Jani Master: ‘ఇకపై జానీ మాస్టర్‌ను అలా పిలవకండి’.. నటి పూనమ్ కౌర్ సంచలన పోస్ట్

టాలీవుడ్ ప్రముఖ కొరియోగ్రాఫర్‌ జానీ మాస్టర్ పై ఓ లేడీ డ్యాన్సర్ లైంగిక ఆరోపణలు చేయడం ఇప్పుడు టాలీవుడ్ లో తీవ్ర చర్చనీయాంశంగా మారింది. హైదరాబాద్, చెన్నై, ముంబై తదితర నగరాల్లో ఔట్‌డోర్‌ షూటింగ్‌లకి వెళ్లినప్పుడు తనపై లైంగిక వేధింపులకు పాల్పడ్డాడని బాధితురాలు పోలీసులకు ఫిర్యాదు చేసింది. అలాగే పలు సార్లు క్యార్ వాన్ లో నూ బలవంతం చేశాడని, బయటకు చెబితే అవకాశాలు లేకుండా చేస్తానని హెచ్చరించాడంటూ సదరు లేడీ కొరియోగ్రాఫర్ ఫిర్యాదులో పేర్కొంది. యువతి ఫిర్యాదును పరిగణణలోకి తీసుకున్న నార్సింగి పోలీసులు జానీ మాస్టర్‌పై ఎఫ్‌ఐఆర్‌ నమోదు చేశారు.దక్షిణాదిలో స్టార్ హీరోలకు కొరియోగ్రఫీ అందించిన జానీ మాస్టర్ ఇప్పుడిలా లైంగిక ఆరోపణల్లో చిక్కు కోవడం తెలుగు నాట సంచలనంగా మారింది. ఈ వివాదంపై స్పందించిన జనసేన.. పార్టీ కార్యకలాపాలకు దూరంగా ఉండాలని, తక్షణమే ఈ ఆదేశాలు అమల్లోకి వస్తాయని జానీ మాస్టర్ ను ఆదేశించింది. ఈ విషయంపై పలువురు సినీ ప్రముఖలు కూడా స్పందిస్తున్నారు. సోషల్ మీడియా వేదికగా తమ అభిప్రాయాలను వెల్లడిస్తున్నారు. తాజాగా టాలీవుడ్ ప్రముఖ హీరోయిన్ జానీ మాస్టర్‌పై విషయంపై స్పందించింది. ఇకపై అతనిని ఎవరూ మాస్టర్ అని పిలవొద్దని ట్విట్టర్ వేదికగా విజ్ఞప్తి చేసింది. ‘నిందితుడు షేక్ జానీ ని ఇకపై ఎవరు జానీ మాస్టర్ అని పిలవకండి. మాస్టర్ అనే పదానికి కాస్త గౌరవం, విలువ ఇవ్వండి’ అని ట్విట్టర లో రాసుకొచ్చింది పూనమ్ కౌర్.

అంతకు ముందు ప్రముఖ ప్లే బ్యాక్ సింగర్ చిన్మయి శ్రీపాద కూడా జానీ మాస్టర్ పై వస్తోన్న ఆరోపణలపై స్పందించింది. పలు మీడియా కథానాలను ట్విట్టర్ వేదికగా ట్యాగ్ చేసిన ఆమె .. “నివేదికల ప్రకారం ఆ అమ్మాయి మైనర్ గా ఉన్నప్పటి నుంచే జానీ మాస్టర్ వేధించడం ప్రారంభించాడు. ఈ కేసులో పోరాడేందుకు కావాల్సినంత శక్తి ఆ అమ్మాయికి చేకూరాలని నేను కోరుకుంటున్నాను’ అని రాసుకొచ్చింది సింగర్ చిన్మయి. మొత్తానికి జానీ మాస్టర్ పై వస్తోన్న లైంగిక ఆరోపణలు సినిమా ఇండస్ట్రీలో తీవ్ర కలకలం రేపుతున్నాయి.

ఇవి కూడా చదవండి

వినాయక చవితి ఉత్సవాలపై రేణూ దేశాయ్ షాకింగ్ కామెంట్స్

దేవర కోసం ఎన్టీఆర్ కళ్లు చెదిరే రెమ్యునరేషన్.. ఎన్ని కోట్లంటే?

ఈ వారం ఓటీటీలో సూపర్ హిట్ సినిమాలు.. విక్రమ్ తంగలాన్ తో సహా..

హౌస్‌లో ఉన్నది రెండు వారాలే.. భారీగా శేఖర్‌ బాషా రెమ్యునరేషన్

పూనమ్ కౌర్ ట్వీట్..

Accused ‘shaik jani’ should not be called a master anymore ,

Have some respect for the word ‘Master’ 🙏

— पूनम कौर ❤️ poonam kaur (@poonamkaurlal) September 16, 2024

సింగర్ చిన్మయి పోస్ట్..

If you are a female singer / musician, please fill this form. This has been prepared by a Lawyer friend of mine with experience in POSH Units and is also a trainer – to better understand the challenges faced by musicians. This form can be done filled out completely anonymously.…

— Chinmayi Sripaada (@Chinmayi) September 8, 2024

మరిన్ని సినిమా వార్తల కోసం ఇక్కడ క్లిక్ చేయండి.