Holi 2021: పెళ్ళి తర్వాత వచ్చే ప్రతి పండుగ ప్రత్యేకమైనదే.. హోలీ సంబరాలను ప్లాన్ చేసుకున్న చందమామ..

Happy Holi 2021: కాజల్ అగర్వాల్.. పెళ్లి తర్వాత కూడా వరుస సినిమాలతో దూసుకుపోతుంది. ప్రస్తుతం ఈ అమ్మడు కొరటాల శివ తెరకెక్కిస్తున్న.. ఆచార్య సినిమాలో మెగాస్టార్ చిరంజీవికి జోడీగా నటిస్తోంది. అంతేకాకుండా.. ప్రవీణ్ సత్తారు, అక్కినేని నాగార్జున కాంబోలో రాబోతున్న సినిమాలోను నటించనుంది ఈ ముద్దుగుమ్మ. ఇటీవలే వ్యాపారవేత్త గౌతమ్ కిచ్లును అక్టోబర్ 30న వివాహం చేసుకుంది. ఇక వివాహం అనంతరం ఈ జంట ఎవరి పనుల్లో వారు బిజీగా ఉన్నారు. అటు గౌతమ్ తన బిజినెస్ పనుల్లో బిజీగా ఉండగా… కాజల్ వరుస సినిమాలు చేస్తూ ఫుల్ బిజీగా మారిపోయింది. వీరి పెళ్లి తర్వాత వచ్చిన మొదటి పండుగ హోలీ. దీంతో ఈ హోలీని మరింత అందంగా సెలబ్రెట్ చేసుకోవాలనుకుంటుందంట కాజల్. ఇందుకోసం ఎన్నో ప్లాన్స్ కూడా సిద్దం చేసుకుంటుందంట.

చిన్నప్పటి నుంచి హోలీ సంబరాలకు కాజల్ జీవితంలో ప్రత్యేక స్థానం ఉంది. ఇక ఈ ఏడాది కూడా తన భర్త గౌతమ్‏తో కలిసి మొదటి హోలీని అందంగా జరుపుకునేందుకు సిద్ధమైంది ఈ చందమామ. కరోనా వైరస్ నిబంధనలను పాటిస్తూనే.. తన కుటుంబ సభ్యులు, సన్నిహితుల మధ్య హోలీ సంబరాలను చేసుకోబోతున్నట్లుగా వెల్లడించింది కాజల్. ఈ సంవత్సరం చాలా సైలెంట్ హోలీ కానుంది. కేవలం మా కుటుంబ సభ్యులతో కలిసి విందు… ఆ తర్వాత పూజా కార్యాక్రమాలు మాత్రమే చేయాలి అనుకుంటున్నాము. అలాగే సేంద్రీయ రంగులతోపాటు, తియనైన కాచోరీలతో ఈ వేడుకలను జరుపుకుంటాము అంటూ చెప్పుకోచ్చింది కాజల్.

ప్రతి పండుగ చాలా ప్రత్యేకమైనదే. ఇక ముఖ్యంగా వివాహం తర్వాత మా మొదటి పండుగ ఇది. ఈ సంబరాలను కేవలం మా కుటుంబ సభ్యులు, సన్నిహితుల మధ్య మాత్రమే జరుపుకుంటామని తెలిపింది. చిన్నప్పుడు హోలీకా రాక్షసిని కాల్చడం ఆ తర్వాత రంగులు చల్లుకోవడం వంటివి ఎన్నో జ్ఞాపకాలున్నాయి. హోలీ రోజున నా స్నేహితులతో కలసి రెయిన్ డ్యాన్సులు చేయడం.. నా కుటుంబంతో కలిసి స్వీట్స్ తినడం.. నీటి బెలూన్లు విసిరేయడం ఇలా చాలా జ్ఞాపకాలున్నాయని తెలిపింది. ఈ సంవత్సరం తన ఆత్మీయులతో కలసి ఈ వేడుకలను జరుపుకుంటుందని.. వచ్చే ఏడాది కూడా తన ప్రియమైన వారితో కలిసి ఈ వేడుకలను జరుపుకోవాలని కోరుకుంటున్నట్లు చెప్పుకోచ్చింది కాజల్.

Also read:

Vishwak Sen: ‘హిట్’ సినిమా కంటే ముందే ‘పాగల్’ స్టోరీ విన్నాను.. నో చెప్పాలనుకున్న కానీ.. విశ్వక్ సేన్..