Anjali: రామ్ చరణ్ ‘గేమ్ చేంజర్’ నుంచి అంజలి లుక్ చూశారా ?.. స్టైలీష్ మేడమ్ పోస్టర్ అదిరిపోయింది..
ప్రముఖ నిర్మాత దిల్ రాజ్ అత్యంత ప్రతిష్టాత్మకంగా భారీ బడ్జెట్ తో పాన్ ఇండియా లెవల్లో నిర్మిస్తున్న ఈ మూవీలో బాలీవుడ్ బ్యూటీ కియారా అద్వానీ కథానాయికగా నటిస్తుంది. ఇక ఇందులో సహజనటి అంజలి సైతం కీలకపాత్ర పోషిస్తుంది. తాజాగా అంజలి పుట్టిన రోజు సందర్భంగా ఈ సినిమా నుంచి అంజలి ఫస్ట్ లుక్ పోస్టర్ రిలీజ్ చేశారు మేకర్స్.
Updated on: Jun 16, 2023 | 8:14 PM
మెగా పవర్ స్టార్ రామ్ చరణ్ నటిస్తోన్న సినిమా గేమ్ చేంజర్. పాన్ ఇండియా డైరెక్టర్ శంకర్ దర్శకత్వం వహిస్తున్న ఈ సినిమా కోసం మెగా ఫ్యాన్స్ ఆసక్తిగా ఎదురుచూస్తున్నారు. మొదటిసారి శంకర్ దర్శకత్వంలో చరణ్ నటిస్తుండడంతో ఈ మూవీపై మంచి బజ్ క్రియేట్ అయ్యింది. ఇక గతంలో చెర్రీ బర్త్ డే సందర్భంగా విడుదలైన పోస్టర్స్, గ్లింప్స్ మూవీపై మరిన్ని అంచనాలను పెంచేశాయి. ప్రముఖ నిర్మాత దిల్ రాజ్ అత్యంత ప్రతిష్టాత్మకంగా భారీ బడ్జెట్ తో పాన్ ఇండియా లెవల్లో నిర్మిస్తున్న ఈ మూవీలో బాలీవుడ్ బ్యూటీ కియారా అద్వానీ కథానాయికగా నటిస్తుంది. ఇక ఇందులో సహజనటి అంజలి సైతం కీలకపాత్ర పోషిస్తుంది. తాజాగా అంజలి పుట్టిన రోజు సందర్భంగా ఈ సినిమా నుంచి అంజలి ఫస్ట్ లుక్ పోస్టర్ రిలీజ్ చేశారు మేకర్స్.
తాజాగా విడుదలైన పోస్టర్ లో అంజలి స్టైలీష్ లుక్ లో కనిపిస్తుంది. అయితే గతంలో ఈ మూవీ నుంచి లీకైన ఫోటోలలో మాత్రం ముఖ్యమంత్రి చరణ్ సతీమణిగా అంజలి కనిపించిన సంగతి తెలిసిందే. ఇక ఇప్పుడు విడుదలైన ఫోటోలో మాత్రం స్టైలీష్ లుక్ లో కనిపిస్తుండడంతో… ఈమూవీ పై మరింత ఆసక్తి నెలకొంది. పాన్ ఇండియా స్థాయిలో రూపొందుతున్న ఈ సినిమాకు థమన్ సంగీతం అందిస్తున్నారు.
ప్రస్తుతం ఈ సినిమా షూటింగ్ కు బ్రేక్ ఇచ్చింది చిత్రయూనిట్. దీంతో ఓవైపు శంకర్ ఇండియన్ 2 సినిమా చిత్రీకరణలో బిజీగా ఉండగా.. చరణ్ తన సతీమణి ఉపాసన ప్రెగ్నెంట్ కావడంతో పూర్తి సమయాన్ని ఫ్యామిలీతో గడిపేందుకు షూటింగ్ నుంచి బ్రేక్ తీసుకున్నారు. త్వరలోనే ఈ మూవీ రెగ్యూలర్ షూటింగ్ స్టార్ట్ కానున్నట్లు తెలుస్తోంది.
View this post on Instagram
మరిన్ని సినిమా వార్తల కోసం ఇక్కడ క్లిక్ చేయండి.
