Pushpa 2: పుష్ప 2 నుంచి యాక్షన్ సీన్ వీడియో లీక్.. నదిలో లారీలను చేజ్ చేస్తోన్న పోలీసులు..
ముఖ్యంగా ఇందులో బన్నీ మ్యానరిజమ్, డైలాగ్స్ ఉత్తరాది ప్రేక్షకులను ఆకట్టుకున్నాయి. దీంతో ఈ సినిమా కోసం సౌత్ కంటే నార్త్ ఆడియన్స్ ఎక్కువగా వెయిట్ చేస్తున్నారు. కొద్ది రోజులుగా ఈ మూవీ షూటింగ్ జరుగుతుంది. అయితే ఈ సినిమా గురించి సోషల్ మీడియాలో అనేక అప్డేట్స్ చక్కర్లు కొడుతున్నాయి. తాజాగా ఈ మూవీ నుంచి యాక్షన్ సీన్ వీడియో లీకైంది.
Updated on: Jun 16, 2023 | 3:21 PM
పుష్ప 2.. దేశవ్యాప్తంగా సినీప్రియులలో క్యూరియాసిటి నెలకొన్న చిత్రం. డైరెక్టర్ సుకుమార్ దర్శకత్వంలో స్టైలీష్ స్టార్ అల్లు అర్జున్ ప్రధాన పాత్రలో నటిస్తోన్న ఈ సినిమాపై ఇప్పటికే భారీ అంచనాలు నెలకొన్నాయి. గతంలో విడుదలైన పుష్ప మూవీ బాక్సాఫీస్ వద్ద భారీ విజయాన్ని సాధించిన సంగతి తెలిసిందే. దీంతో ఈ మూవీ సెకండ్ పార్ట్ కోసం ఆత్రుతగా ఎదురుచూస్తున్నారు. ముఖ్యంగా ఇందులో బన్నీ మ్యానరిజమ్, డైలాగ్స్ ఉత్తరాది ప్రేక్షకులను ఆకట్టుకున్నాయి. దీంతో ఈ సినిమా కోసం సౌత్ కంటే నార్త్ ఆడియన్స్ ఎక్కువగా వెయిట్ చేస్తున్నారు. కొద్ది రోజులుగా ఈ మూవీ షూటింగ్ జరుగుతుంది. అయితే ఈ సినిమా గురించి సోషల్ మీడియాలో అనేక అప్డేట్స్ చక్కర్లు కొడుతున్నాయి. తాజాగా ఈ మూవీ నుంచి యాక్షన్ సీన్ వీడియో లీకైంది.
అందులో ఎర్రచందనం లోడ్ తో నాలుగు లారీలు నదిలో వెళ్తుండగా.. పోలీసులు వాటిని చేజ్ చేస్తూ వెళ్తున్నారు. అయితే ఇది అవుడ్ డోర్ షూటింగ్ కావడంతో కొందరు అభిమానులు ఆ విజువల్స్ ఫోన్ లో వీడియో తీసి సోషల్ మీడియాలో షేర్ చేయగా.. ఇప్పుడు ఆ వీడియో తెగ చక్కర్లు కొడుతుంది.
ప్రస్తుతం శరవేగంగా షూటింగ్ జరుపుకుంటున్న ఈ సినిమాలో రష్మిక, సునీల్, అనసూయ, ఫహాద్ ఫాజిల్ కీలకపాత్రలలో నటిస్తున్నారు. ఈ చిత్రానికి దేవి శ్రీ ప్రసాద్ సంగీతం అందిస్తున్నారు. ఇక ఇటీవల వినిపిస్తోన్న సమాచారం ప్రకారం ఈ సినిమాలో జగపతి బాబు బలమైన పాత్రలో కనిపించనున్నారని తెలుస్తోంది.
మరిన్ని సినిమా వార్తల కోసం ఇక్కడ క్లిక్ చేయండి.
