Sudheer Babu: హీరోగా మహేష్ మేనల్లుడు.. కొడుకు సినీ ఎంట్రీ పై సుధీర్ బాబు ఇంట్రెస్టింగ్ కామెంట్స్..
ఇప్పటివరకు ఎన్నో సూపర్ హిట్ చిత్రాల్లో నటించిన మహేష్.. ఇప్పుడు గుంటూరు కారం మూవీతో ఈ సంక్రాంతికి ప్రేక్షకులను అలరించేందుకు సిద్ధమయ్యాడు. మరోవైపు కృష్ణ అల్లుడిగా వెండితెర అరంగేట్రం చేసిన సుధీర్ బాబు..వైవిధ్యమైన కథలు.. పాత్రలను ఎంచుకుంటూ తెలుగు ప్రజలకు దగ్గరయ్యాడు. తన నటనతో అటు మాస్.. ఇటు క్లాస్ ఆడియన్స్ ను ఆకట్టుకుంటూ తనకంటూ ఓ గుర్తింపు తెచ్చుకున్నాడు. ఇక ఇప్పుడు సూపర్ స్టార్ కృష్ణ మనవడు హీరోగా సినీరంగ ప్రవేశం చేయబోతున్నాడు. అతనెవరో తెలుసా ?..
Updated on: Jan 09, 2024 | 5:15 PM
ఘట్టమనేని ఫ్యామిలీ నుంచి వెండితెరపై మరో హీరో రాబోతున్నాడు. సూపర్ స్టార్ కృష్ణ వారసుడిగా ఎంట్రీ ఇచ్చిన మహేష్ బాబు తనకంటూ స్టార్ డమ్ సంపాదించుకున్నారు. తన నటనతో ప్రపంచవ్యాప్తంగా ఎంతో అభిమానులను సొంతం చేసుకున్నాడు. ఇప్పటివరకు ఎన్నో సూపర్ హిట్ చిత్రాల్లో నటించిన మహేష్.. ఇప్పుడు గుంటూరు కారం మూవీతో ఈ సంక్రాంతికి ప్రేక్షకులను అలరించేందుకు సిద్ధమయ్యాడు. మరోవైపు కృష్ణ అల్లుడిగా వెండితెర అరంగేట్రం చేసిన సుధీర్ బాబు..వైవిధ్యమైన కథలు.. పాత్రలను ఎంచుకుంటూ తెలుగు ప్రజలకు దగ్గరయ్యాడు. తన నటనతో అటు మాస్.. ఇటు క్లాస్ ఆడియన్స్ ను ఆకట్టుకుంటూ తనకంటూ ఓ గుర్తింపు తెచ్చుకున్నాడు. ఇక ఇప్పుడు సూపర్ స్టార్ కృష్ణ మనవడు హీరోగా సినీరంగ ప్రవేశం చేయబోతున్నాడు. అతనెవరో తెలుసా ?.. టాలెంటెడ్ హీరో సుధీర్ బాబు తనయుడు చరిత్ మానస్.
హీరో సుధీర్ బాబుకు ఇద్దరు కొడుకులు ఉన్న సంగతి తెలిసిందే. పెద్ద కుమారుడి పేరు చరిత్ మానస్. చిన్న కొడుకు పేరు దర్శన్. చరిత్ మానస్ మేనమామ మహేష్ పోలికలతో కనిపిస్తున్నాడు. కొన్నిరోజులుగా అతడికి సంబంధించిన వీడియోస్, ఫోటోస్ నెట్టింట తెగ వైరలయ్యాయి. తన తండ్రిలాగే జిమ్నాస్టిక్స్, డాన్స్ టాలెంట్స్ తో చరిత్. దీంతో చరిత్ అచ్చం మహేష్ బాబులాగే కనిపిస్తున్నాడని.. మేనమామ పోలీకలు ఎక్కువగానే ఉన్నాయని.. త్వరలోనే తెలుగు సినీ పరిశ్రమలోకి మరో హీరో రాబోతున్నాడంటూ చరిత్ వీడియోస్ తెగ షేర్ చేశారు ఘట్టమనేని ఫ్యాన్స్. తాజాగా తన కొడుకు సినీ ఎంట్రీపై ఆసక్తికర కామెంట్స్ చేశాడు సుధీర్ బాబు.
View this post on Instagram
మంగళవారం తన భార్య పిల్లలతో కలిసి తిరుమల శ్రీవారిని దర్శించుకున్నారు హీరో సుధీర్ బాబు. అనంతరం మీడియా ముందుకు రాగా.. చరిత్ సినీ ఎంట్రీ ఎప్పుడంటూ ప్రశ్నలు ఎదురయ్యాయి. దీంతో సుధీర్ మాట్లాడుతూ.. ‘ఎక్కడికి వెళ్లినా చరిత్ లాంచ్ గురించే అడుగుతున్నారు. ఇంకా రెండుమూడేళ్లు సమయం ఉంది. ప్రస్తుతం ట్రైనింగ్ తీసుకుంటున్నాడు’ అంటూ చెప్పుకొచ్చారు. అటు మహేష్ తనయుడు గౌతమ్ మరో పదేళ్లలో హీరోగా తెరంగేట్రం చేయబోతున్నట్లు గతంలో నమ్రత వెల్లడించింది. ఇప్పుడు చరిత్ సినీ ఎంట్రీకి మరో మూడేళ్ల సమయం ఉందని సుధీర్ బాబు చెప్పడంతో మరి కొన్నాళ్లలో గౌతమ్, చరిత్ ఇద్దరినీ వెండితెరపై చూడబోతున్నామంటూ సంతోషం వ్యక్తం చేస్తున్నారు ఫ్యాన్స్.
మరిన్ని సినిమా వార్తల కోసం ఇక్కడ క్లిక్ చేయండి.
