Krishnudu: కొత్త వ్యాపారంలోకి నటుడు కృష్ణుడు ఫ్యామిలీ.. ప్రభాస్ పెళ్లి షాపింగ్ ఇక్కడే చేస్తానన్న శ్యామలమ్మ
హీరోగా, క్యారెక్టర్ ఆర్టిస్టుగా పదులు సినిమాల్లో నటించిన కృష్ణుడు ఆ మధ్యన పొలిటికల్ కామెంట్స్ తో వార్తల్లో నిలిచారు. అయితే ఇప్పుడు సినిమాలు, రాజకీయాలకు రెండింటికీ దూరంగా ఉన్నారు. ఆయన చివరిగా 2019 లో హల్ చల్ అనే సినిమాలో నటించారు. అప్పటి నుంచి ఇండస్ట్రీకి దూరంగానే ఉన్న కృష్ణుడు ఇప్పుడు కొత్త బిజినెస్ స్టార్ట్ చేశాడు.
శేఖర్ కమ్ముల తెరకెక్కించిన హ్యాపీడేస్ తో మంచి గుర్తింపు తెచ్చుకున్నవారిలో కృష్ణుడు కూడా ఒకరు. దీని తర్వాత పలు సినిమాల్లో క్యారెక్టర్ ఆర్టిస్టుగా కనిపించిన అతను వినాయకుడు సినిమాతో హీరోగా మారాడు. ఈ సినిమా మంచి విజయం సాధించింది. హీరోగా, క్యారెక్టర్ ఆర్టిస్టుగా పదులు సినిమాల్లో నటించిన కృష్ణుడు ఆ మధ్యన పొలిటికల్ కామెంట్స్ తో వార్తల్లో నిలిచారు. అయితే ఇప్పుడు సినిమాలు, రాజకీయాలకు రెండింటికీ దూరంగా ఉన్నారు. ఆయన చివరిగా 2019 లో హల్ చల్ అనే సినిమాలో నటించారు. అప్పటి నుంచి ఇండస్ట్రీకి దూరంగానే ఉన్న కృష్ణుడు ఇప్పుడు కొత్త బిజినెస్ స్టార్ట్ చేశాడు. ఆయన భార్య గాయత్రి మరొకరితో కలిసి చీరల వ్యాపారం ప్రారంభించారు. జరివరం అనే పేరు మీద శుక్రవారం (జులై 26)న హైదరాబాద్ లో స్టోర్ ఓపెన్ చేశారు. ఈ షాప్ ఓపెనింగ్ కి ప్రభాస్ పెద్దమ్మ శ్యామలా దేవి, పలాస, ఆపరేషన్ రావణ్ సినిమాల హీరో రక్షిత్ అట్లూరి, అలాగే హైదరాబాద్ మేయర్ గద్వాల్ విజయలక్ష్మి అతిథులుగా హాజరయ్యారు. రిబ్బన్ కట్ చేసి షాపును ప్రారంభించారు. అనంతరం అభిలాష రెడ్డి, గాయత్రిలకు అభినందనలు తెలిపారు. ఈ సందర్భంగా మాట్లాడిన ప్రభాస్ పెద్దమ్మ శ్యామలా దేవి తన కుమారుడి పెళ్లిపై ఆసక్తికర వ్యాఖ్యలు చేశారు.
‘జరివరం స్టోర్ కు నన్ను అతిథిగా ఆహ్వానించినందుకు చాలా సంతోషంగా ఉంది. నాకు పర్సనల్ గా పట్టు చీరలు అంటే చాలా ఇష్టం. కృష్ణంరాజు గారు నాకు కొన్న ఫస్ట్ చీర కంచి పట్టు చీరనే. ఈ స్టోర్ లో ఆ కలెక్షన్స్ చాలా బాగున్నాయి. ప్రభాస్ పెళ్లి దుస్తులు కూడా ఈ జరివరం స్టోర్ నుంచే కొంటాను’ అని చెప్పుకొచ్చారు శ్యామలమ్మ. ఇదే సందర్భంగా మేయర్ గద్వాల విజయ లక్ష్మి మాట్లాడుతూ.. ‘ఇక్కడ కలెక్షన్స్ బాగున్నాయి. లేడీస్ కు ఇక్కడి కలెక్షన్స్ చాలా బాగా నచ్చుతాయనుకుంటున్నాను. మ్యారేజ్ డ్రెస్ లే కాకుండా ఫాన్సీ డ్రెస్సులు కూడా ఈ స్టోర్ లో ఉన్నాయి’ అని చెప్పుకొచ్చారు.
ఇక నటుడు కృష్ణుడు మాట్లాడుతూ.. ‘అభిలాష రెడ్డి, నా భార్య గాయత్రి కలసి ఈ జరివరం స్టోర్ స్టార్ట్ చేశారు. ఈ కలెక్షన్స్ కోసం వాళ్లు చాలానే కష్టపడ్డారు. హైద్రాబాద్ లో మహిళలకు మంచి కలెక్షన్స్ ఇవ్వాలి అనే ఉద్దేశంతోనే ఈ జరివరం స్టోర్ మొదలుపెట్టారు. మమ్మల్ని ఆశీర్వదించేందుకు ఇక్కడకు వచ్చిన వారందరికీ ధన్యవాదాలు’ అని తెలిపారు.
మరిన్ని సినిమా వార్తల కోసం ఇక్కడ క్లిక్ చేయండి.
