తండ్రైన ప్రముఖ నటుడు.. నెట్టింట వైరల్‌ అవుతోన్న ఫొటోలు
ప్రముఖ నటుడు, డైరెక్టర్‌ బాసిల్ జోసెఫ్‌ తండ్రి అయ్యాడు. ఆయన భార్య ఎలిజబెత్‌ శామ్యుయెల్‌ బుధవారం (ఫిబ్రవరి 15) పండంటి ఆడబిడ్డకు జన్మనిచ్చింది. ఈ ఆనంద క్షణాలను సోషల్‌ మీడియా వేదికగా..
ప్రముఖ నటుడు, డైరెక్టర్‌ బాసిల్ జోసెఫ్‌ తండ్రి అయ్యాడు. ఆయన భార్య ఎలిజబెత్‌ శామ్యుయెల్‌ బుధవారం (ఫిబ్రవరి 15) పండంటి ఆడబిడ్డకు జన్మనిచ్చింది. ఈ ఆనంద క్షణాలను సోషల్‌ మీడియా వేదికగా బేసిల్‌ స్వయంగా పంచుకున్నాడు. ఈ ఆనందాన్ని పంచుకోవడం చాలా థ్రిల్‌గా ఉందని తెలిపాడు. తమ గారాలపట్టికి హోప్‌ ఎలిజబెత్‌ బాసిల్ అనే పేరు పెట్టినట్లు వెల్లడించాడు. ఈ సందర్భంగా బిడ్డను ఎత్తుకున్న ఫొటోను తన ట్విటర్ ఖాతాలో పోస్టు చేస్తూ ఆనంద క్షణాలను అభిమానులతో పంచుకున్నాడు. కాగా బాసిల్ 2017లో ఎలిజబెత్‌ను వివాహం చేసుకున్నారు. ఇక దుల్కర్ సల్మన్, నజ్రియా ఫాహద్, టోనివో థామస్, ఐశ్వర్యా లక్ష్మీ, సంయుక్త వంటి పలువురు సెలబ్రెటీలు జోసెఫ్‌దంపతులకు శుభాకాంక్షలు తెలిపారు.
మలయాళ నటుడైనా బాసిల్ జోసెఫ్‌ కుంజిరామాయణం అనే షార్ట్‌ ఫిల్మ్‌కు దరకత్వం వహించడం ద్వారా తన కెరీర్‌ను ప్రారంభించాడు. ఆ తర్వాత గోధ, సూపర్ హీరో, మిన్నల్ మురళి చిత్రాలకు దర్శకత్వం వహించారు. వైరస్‌, జోజి మువీల్లో సపోర్టింగ్‌ రోల్స్‌ పోషించాడు. తెలుగులో విడుదలైన జయ జయ జయ జయ హే చిత్రం ద్వారా తెలుగు ప్రేక్షకులకు సైతం దగ్గరయ్యాడు. ఓటీటీలో విడుదలైన ఈ సినిమాకు తెలుగు ప్రేక్షకుల నుంచి విశేష ఆదరణ లభించింది. బాసిల్ తాజా చిత్రం మిన్నల్ మురళి నెట్‌ఫ్లిక్స్‌లో విడుదలైనప్పటికి మంచి టాక్‌ అందుకుంది. ఈ చిత్రం పాజిటివ్‌ రివ్యూలతోపాటు, క్రిటిక్స్‌ ప్రశంసలను సైతం అందుకుంది. ఈ మువీలో బేసిల్‌ రాజకీయ నాయకుడిగా కనిపించారు. గత ఏడాది డిసెంబర్‌లో జరిగిన ఏషియన్ అకాడమీ క్రియేటివ్ అవార్డ్స్‌లో ఉత్తమ దర్శకుడిగా (ఫిక్షన్) అవార్డును అందుకున్నారు.
Thrilled to announce the arrival of our little bundle of joy, HOPE ELIZABETH BASIL ! She has already stolen our hearts and we are over the moon with love for our precious daughter.We can’t wait to watch her grow and learn from her every day pic.twitter.com/RpQoLaCdm0
— basil joseph (@basiljoseph25) February 15, 2023
మరిన్ని సినిమా వార్తల కోసం క్లిక్‌ చేయండి.
