Pathaan: పఠాన్ సినిమాకు దిమ్మతిరిగే ఆఫర్ ఇచ్చిన ఓటీటీ సంస్థ.. డిజిటల్ రైట్స్ కోసం అన్ని కోట్లా..!!

బాలీవుడ్ బాద్షా షారుఖ్ ఖాన్ సినిమా కోసం ఆయన  అభిమానులు వేయి కళ్ళతో ఎదురుచూశారు. రీసెంట్ గా పఠాన్ సినిమాతో ఆయన ప్రేక్షకుల ముందుకు వచ్చారు. జీరో సినిమా తర్వాత షారుక్ హీరోగా నటించిన సినిమా పఠాన్. జనవరి 25న పఠాన్ సినిమా ప్రేక్షకుల ముందుకు వచ్చింది. ఈ సినిమా మొదటి షో నుంచే సూపర్ హిట్ టాక్ ను సొంతం చేసుకుంది.  ఈ సినిమా కంప్లీట్ యాక్షన్ ఎంటర్టైనర్ గా తెరకెక్కింది. విడుదలకు ముందు ఈ సినిమాకు సంబంధించిన పోస్టర్లు, టీజర్స్, ట్రైలర్ ప్రేక్షకులను విపరీతంగా ఆకట్టుకుంటున్నాయి. ఇదిలా ఉంటే పఠాన్‌ సినిమా లోని కొన్ని దృశ్యాలపై హిందూ సంస్థలు తీవ్ర అభ్యంతరం వ్యక్తం చేసిన విషయం తెలిసిందే. అయినా కూడా ఆ వివాదాలను దాటి పఠాన్ సినిమా విడుదలై మంచి హిట్ గా నిలిచింది.

ఇక అడ్వాన్స్ బుకింగ్స్ తో రూ.50 కోట్లు రాబట్టింది ఈ మూవీ. ఇప్పుడు కలెక్షన్స్ వర్షం కురిపిస్తోంది. ఈ సినిమా ఓటీటీ రైట్స్ కి సంబంధించిన న్యూస్ ఒకటి ఫిలిం సర్కిల్స్ లో వైరల్ అవుతోంది. ఈ సినిమా ఓటీటీ రైట్స్ ను  ప్రముఖ ఓటీటీ సంస్థ భారీ ధరకు కొనుగోలు చేసిందని అంటున్నారు.

ప్రముఖ ఓటీటీ సంస్థ ‘పఠాన్’ డిజిటల్ రైట్స్ కోసం రూ.100 కోట్లు ఆఫర్ చేసిందట. భారీ ధర కావడంతో నిర్మాతలు కూడా ఈ డీల్ కు ఓకే చెప్పారని టాక్ వినిపిస్తోంది. మరి ఈ వార్తల్లో వాస్తవమెంత అన్నది తెలియాల్సి ఉంది. వరల్డ్ వైడ్ గా 7700 స్క్రీన్స్ లో విడుదలైంది ఈ సినిమా.