Tollywood: రూటు మార్చిన టాలీవుడ్ హీరోలు.. ఇప్పుడంతా అదే ట్రెండ్
మన సినిమాలకు, సముద్రానికి విడదీయరాని అనుబంధం ఉంటుంది. ఇప్పుడు ఈ బంధం మరింత ధృఢంగా మారుతుంది. ఈ మధ్య చాలా మంది స్టార్ హీరోలు సీ బ్యాక్ డ్రాప్ కథల వైపు అడుగులేస్తున్నారు. ముఖ్యంగా రెండేళ్ల కింద ఉప్పెనతో సెన్సేషనల్ ఎంట్రీ ఇచ్చారు వైష్ణవ్ తేజ్. అలాగే ఈ మధ్యే వాల్తేరు వీరయ్యలోనూ చిరు ఫిషెర్ మ్యాన్గానే నటించారు. ఇదే కంటిన్యూ అవుతుందిప్పుడు. నాగ చైతన్య, చందూ మొండేటి కాంబినేషన్లో త్వరలోనే ఓ సినిమా రాబోతుంది...
Updated on: Aug 05, 2023 | 1:19 PM
సముద్రం పిలుస్తుంది.. తీరప్రాంతాలు రా రమ్మంటూ ఆహ్వానిస్తున్నాయి.. టాలీవుడ్ కథల్లో అలలు ఎగిసిపడుతున్నాయి.. అలాంటి స్టోరీస్ వైపు మన హీరోల అడుగులు పడుతున్నాయి.. దర్శకులు కూడా ఎందుకో మరి అంతా సముద్రం వైపు చూస్తున్నారు. ఒక్కరో ఇద్దరో కాదు.. చాలా మంది హీరోలు ఇప్పుడు సీ బ్యాక్డ్రాప్ కథల్లోనే నటిస్తున్నారు. తాజాగా చైతూ కూడా ఈ లిస్టులో చేరిపోయారు.
మన సినిమాలకు, సముద్రానికి విడదీయరాని అనుబంధం ఉంటుంది. ఇప్పుడు ఈ బంధం మరింత ధృఢంగా మారుతుంది. ఈ మధ్య చాలా మంది స్టార్ హీరోలు సీ బ్యాక్ డ్రాప్ కథల వైపు అడుగులేస్తున్నారు. ముఖ్యంగా రెండేళ్ల కింద ఉప్పెనతో సెన్సేషనల్ ఎంట్రీ ఇచ్చారు వైష్ణవ్ తేజ్. అలాగే ఈ మధ్యే వాల్తేరు వీరయ్యలోనూ చిరు ఫిషెర్ మ్యాన్గానే నటించారు. ఇదే కంటిన్యూ అవుతుందిప్పుడు. నాగ చైతన్య, చందూ మొండేటి కాంబినేషన్లో త్వరలోనే ఓ సినిమా రాబోతుంది. గీతా ఆర్ట్స్ ఈ సినిమాను నిర్మిస్తున్నారు. కార్తికేయ 2 లాంటి పాన్ ఇండియన్ బ్లాక్బస్టర్ తర్వాత చందూ తెరకెక్కిస్తున్న సినిమా కావడంతో అంచనాలు బాగానే ఉన్నాయి.
ఈ సినిమా కథ అంతా సముద్రం చుట్టూనే తిరుగుతుంది. ఓ మత్స్యకారుడి జీవితం ఆధారంగా చందూ మొండేటి ఈ చిత్రం తెరకెక్కిస్తున్నారు. కథ కోసం తీర ప్రాంతాల్లో ఉండే మత్స్యకారుల జీవనశైలి గురించి తెలుసుకుంటున్నారు మూవీ టీం. సముద్రంలోకి వెళ్లినపుడు తుఫాన్ వస్తే ఏంటి పరిస్థితి.. కొన్నిసార్లు సరిహద్దులు దాటి వేరే దేశాల్లోకి వెళ్లినపుడు ఎలా బయటపడతారు.. ఇలాంటివన్నీ టీం ఆరా తీస్తున్నారు. 2018 తరహాలో సాగే సర్వైవల్ థ్రిల్లర్ ఇది. త్వరలోనే షూటింగ్ మొదలు కానుంది. ప్రేమమ్, సవ్యసాచి తర్వాత చందూ, చైతూ కాంబినేషన్లో వస్తున్న సినిమా ఇది.
చైతూ మాత్రమే కాదు.. ఎన్టీఆర్ సైతం పూర్తిగా సముద్రం నేపథ్యంలోనే సినిమా చేస్తున్నారిప్పుడు. కొరటాల శివ తెరకెక్కిస్తున్న దేవర సినిమా అంతా కోస్టల్ ల్యాండ్స్, తీర ప్రాంతాల చుట్టూనే తిరుగుతుంది. దీనికోసం ప్రత్యేకంగా విఎఫ్ఎక్స్లో సముద్రాన్ని క్రియేట్ చేస్తున్నారు. చరణ్, బుచ్చిబాబు సినిమాకు సముద్రంతో లింక్ ఉంటుందని తెలుస్తుంది. మొత్తానికి మన కథలన్నీ సముద్రం చుట్టూ తిరుగుతున్నాయిప్పుడు. మరి కుర్ర హీరోలు నమ్ముకున్న సముద్రం వారి ఆశలను నిలబెడుతుందా.? లేదో తెలియాలంటే మరికొన్ని రోజులు వేచి చూడాల్సిందే. యంగ్ హీరో నాగ చైతన్య తన కెరీర్ లో తొలిసారి సముద్రం నేపథ్యంలో నటిస్తున్న సినిమాపై అంచనాలు భారీగా పెరిగాయి. మరి ఈ అంచనాలు ఏమేర అందుకుంటాడో చూడాలి.
మరిన్ని సినిమా వార్తల కోసం క్లిక్ చేయండి..
