Actress Lahari: ఖరీదైన లగ్జరీ కారు కొన్న నటి లహరి.. ధరెంతో తెలిస్తే నోరెళ్లబెట్టాల్సిందే

లహరి.. బుల్లితెర ప్రేక్షకులకు ఈ పేరు గురించి ప్రత్యేక పరిచయం అక్కర్లేదు. మొగలి రేకులు సీరియల్‌తో తెలుగు రాష్ట్రాల్లో బాగా గుర్తింపు తెచ్చుకుందీ అందాల తార. అలాగే గృహలక్ష్మీ ధారావాహికలోనూ నటించి తెలుగు ఆడియెన్స్ కు బాగా చేరువైంది. అప్పుడప్పుడు వెండి తెరపై చిన్న చిన్న పాత్రల్లోనూ మెరిసింది.

Actress Lahari

Basha Shek |

Updated on: Jul 08, 2024 | 7:11 AM

లహరి.. బుల్లితెర ప్రేక్షకులకు ఈ పేరు గురించి ప్రత్యేక పరిచయం అక్కర్లేదు. మొగలి రేకులు సీరియల్‌తో తెలుగు రాష్ట్రాల్లో బాగా గుర్తింపు తెచ్చుకుందీ అందాల తార. అలాగే గృహలక్ష్మీ ధారావాహికలోనూ నటించి తెలుగు ఆడియెన్స్ కు బాగా చేరువైంది. అప్పుడప్పుడు వెండి తెరపై చిన్న చిన్న పాత్రల్లోనూ మెరిసింది. అయితే ఈ మధ్యన లహరి స్క్రీన్ పై పెద్దగా కనిపించడం లేదు. గతేడాది నుంచి ఆమె షూటింగ్ లకు బ్రేక్ ఇచ్చింది. ఇటీవల లహరి పండంటి మగ బిడ్డకు జన్మనిచ్చింది. ఇప్పుడు తన బిడ్డను చూసుకునే పనిలోనే బిజీ బిజీగా ఉంటుందామె. అందుకే ఎలాంటి సినిమాలు, సీరియల్స్ లో నటించడం లేదు. అయితే సోషల్ మీడియా ద్వారా ఫ్యాన్స్ తో టచ్ లో ఉంటోంది లహరి. గ్లామరస్ ఫొటోలు, వీడియోలు, ఫన్నీ రీల్స్, డ్యాన్స్ వీడియోలతో తన ఫ్యాన్స్‌ను ఎంటర్ టైన్ చేస్తూ ఉంటుంది. అలాగే యూట్యూబ్ ఛానెల్‌లోనూ వీడియోస్ చేస్తూ బాగానే సంపాదిస్తుంది. ఇదిలా ఉంటే.. తాజాగా ఖరీదైన బెంజ్ ఈ-క్లాస్ కారు కొనుగోలు చేసింది లహరి. ఈ విషయాన్ని సోషల్ మీడియా ద్వారా తన ఫ్యాన్స్ తో పంచుకుందామె.

ఇవి కూడా చదవండి

ఇందులో తన భర్త, బిడ్డ, ఫ్యామిలీతో కలిసి కొత్త కారుతో పోజులు ఇచ్చింది లహరి. ప్రస్తుతం ఇందుకు సంబంధించిన ఫొటోలు, వీడియోలు సామాజిక మాధ్యమాల్లో తెగ వైరలవుతున్నాయి. పలువురు అభిమానులు, నెటిజన్లు లహరి ఫొటోలు, వీడియోలపై స్పందిస్తున్నారు. కొత్త కారు కొన్నందుకు కంగ్రాట్స్ చెబుతున్నారు. ఇదిలా ఉంటే లహరి కొన్న కారు ధర మార్కెట్ లో సుమారు రూ. 90 లక్షలకు పైగానే ఉంది. మిగతా ఖర్చులతో కలిసి అటూ ఇటూ సుమారు రూ. కోటికి పైగానే అయి ఉండొచ్చు. కాగా ఇటీవల సినిమా నటులతో పోలిస్తే సీరియల్ యాక్టర్స్ బాగానే సంపాదిస్తున్నారు. ఓ వైపు సీరియల్స్ చేస్తూనే, మరోవైపు యూట్యూబ్, షోస్ చేస్తూ రెండు చేతులా ఆదాయం ఆర్జిస్తున్నారు. ఈ క్రమంలోనే కొత్త ఇల్లు, కార్లు కొనేస్తున్నారు. ఇప్పుడీ లిస్టులో ప్రముఖ నటి లహరి కూడా చేరింది.