Jabardasth Rakesh: బుజ్జి పాపతో ఇంటికి జబర్దస్త్ కపుల్.. రాకింగ్ రాకేష్ దంపతులకు గ్రాండ్ వెల్కమ్.. వీడియో
జబర్దస్త్ కపుల్ రాకింగ్ రాకేష్- జోర్దార్ సుజాత ఇటీవలే అమ్మానాన్నలుగా ప్రమోషన్ పొందారు. సుజాత పండంటి ఆడ బిడ్డను ప్రసవించింది. ఈ శుభవార్తను సోషల్ మీడియా ద్వారా అభిమానులతో పంచుకున్నారు రాకింగ్ రాకేష్- జోర్దార్ సుజాత. దీంతో పలువురు సినీ, బుల్లితెర ప్రముఖులు, అభిమానులు, నెటిజన్లు జబర్దస్త్ కపుల్ కు అభినందనలు, శుభాకాంక్షలు తెలిపారు.
జబర్దస్త్ కపుల్ రాకింగ్ రాకేష్- జోర్దార్ సుజాత ఇటీవలే అమ్మానాన్నలుగా ప్రమోషన్ పొందారు. సుజాత పండంటి ఆడ బిడ్డను ప్రసవించింది. ఈ శుభవార్తను సోషల్ మీడియా ద్వారా అభిమానులతో పంచుకున్నారు రాకింగ్ రాకేష్- జోర్దార్ సుజాత. దీంతో పలువురు సినీ, బుల్లితెర ప్రముఖులు, అభిమానులు, నెటిజన్లు జబర్దస్త్ కపుల్ కు అభినందనలు, శుభాకాంక్షలు తెలిపారు. కాగా ఓ ఆస్పత్రిలో సుజాత ప్రసవం జరిగినట్లు తెలుస్తోంది. తాజాగా ఆమె ఆస్పత్రి నుంచి డిశ్చార్జ్ అయ్యింది. పండంటి పాపతో ఇంటికి చేరుకుంది. ఈ క్రమంలోనే వారికి ఘన స్వాగతం లభించింది. ఇరు కుటుంబ సభ్యులు తల్లీ కూతుళ్లకు గ్రాండ్ వెల్కమ్ పలికారు. ఈ సందర్భంగా ఇంటిని పూలతో అందంగా అలంకరించారు. అలాగే అందరికీ స్వీట్లు పంచి పెట్టారు. ఇందుకు సంబంధించిన వీడియోను సోషల్ మీడియాలో షేర్ చేసుకున్నారు రాకింగ్ రాకేష్- జోర్దార్ సుజాత. ‘మా ఇంటి మహాలక్ష్మి ఇంట్లో అడుగు పెట్టిన వేళ’ అంటూ షేర్ చేసిన ఈ వీడియోలో ఆస్పత్రి దగ్గరి నుంచి బయలు దేరిన క్షణం మొదలు ఇంట్లో కి వెళ్లడం దాకా జరిగిన అద్భుత క్షణాలను ఇందులో చూపించారు. ప్రస్తుతం ఈ వీడియో సామాజిక మాధ్యమాల్లో వైరల్ గా మారింది. దీనిని చూసిన అభిమానులు, నెటిజన్లు రాకింగ్ రాకేష్ దంపతులకు మరోసారి అభినందనలు, శుభాకాంక్షలు తెలుపుతున్నారు.
జబర్దస్త్ కామెడీ షోతో మంచి గుర్తింపు తెచ్చుకున్న వారిలో రాకింగ్ రాకేష్, జోర్దార్ సుజాత ఒకరు. ఈ వేదికపై జంటగా పలు కామెడీ స్కిట్లు చేసి బుల్లితెర ఆడియెన్స్ ను కడుపుబ్బా నవ్వించారీ స్టార్ కమెడియన్స్. ఇదే సమయంలో ఒకరితో ఒకరు ప్రేమలో పడ్డారు. దీంతో రీల్ లైఫ్‌లో జంటగా నటించిన వీరిద్దరు నిజ జీవితంలోనూ జోడీగా మారారు. జబర్దస్త్ వేదికపైనే తమ ప్రేమ విషయాన్నిఅధికారికంగా బయట పెట్టారీ ప్రేమ పక్షులు. ఆ తర్వాత ఇరు పెద్దల అనుమతితో పెళ్లిపీటలెక్కారు. గతేడాది ఫిబ్రవరి 24న తిరుమల తిరుపతి శ్రీ వేంకటేశ్వర స్వామి సాక్షిగా రాకింగ్ రాకేష్- జోర్దార్ సుజాతల వివాహం జరిగింది. ఇప్పుడు వీరి వైవాహిక బంధానికి ప్రతీకగా ఒక పండంటి బిడ్డను తమ జీవితంలోకి ఆహ్వానించారీ లవ్లీ కపుల్.
వీడియో ఇదిగో..
మరిన్ని సినిమా వార్తల కోసం ఇక్కడ క్లిక్ చేయండి.
