వెండితెరపై ‘దిశ’… ఎవరా తార.?

అక్కినేని కోడలు సమంతా మరో ప్రయోగానికి సిద్ధమైంది. ‘యూ టర్న్’, ‘ఓ బేబీ’ సినిమాలతో  సూపర్ హిట్స్ అందుకున్న సామ్.. తాజాగా మరో లేడి ఓరియెంటెడ్ సినిమాకు గ్రీన్ సిగ్నల్ ఇచ్చినట్లు తెలుస్తోంది. అదీ కూడా దేశవ్యాప్తంగా సంచలనం సృష్టించిన దిశ ఉదంతం తరహాలో సినీ నేపధ్యం ఉంటుందని సమాచారం.

కోలీవుడ్‌లో ‘మాయ’, ‘గేమ్ ఓవర్’ సినిమాలు తెరకెక్కించిన అశ్విన్ శరవణన్ ఈ చిత్రానికి దర్శకత్వం వహించనున్నాడట. ఇందులో సమంత దెయ్యం పాత్రలో కనిపించనుందని వినికిడి. అత్యాచారం, ఆపై హత్యకు గురైన ఓ యువతి ఆత్మ రూపంలో వచ్చి మృగాళ్లను ఎలా అంతమొందించిందన్నది సినిమా కాన్సెప్ట్ అని తెలుస్తోంది. కాగా, సామ్ ప్రస్తుతం ’96’ రీమేక్ షూటింగ్‌లో బిజీగా ఉంది. ఈ సినిమా ఫిబ్రవరి 14న విడుదల కానుంది. అంతేకాకుండా ‘ఫ్యామిలీ మ్యాన్-2’ అనే వెబ్ సిరీస్‌లో సమంత నెగటివ్ రోల్ చేస్తున్నట్లు సమాచారం.