సందీప్ కిషన్ ‘రౌడీ బేబీ’ సినిమా షూటింగ్ స్టార్ట్.. వచ్చే ఏడాది వేసవిలో రిలీజ్.. నవ్వించడానికి వస్తోన్న హీరో..

హీరో సందీప్ కిషన్, నేహా శెట్టి జంటగా నటిస్తున్న సినిమా రౌడిబేబీ.. ఈ చిత్రంలో రాజేంద్రప్రసాద్ కీలక పాత్ర పోషిస్తున్నారు. జి.నాగేశ్వర రెడ్డి దర్శకత్వంలో కోన వెంకట్ సమర్పణలో విశాఖపట్నం పార్లమెంట్ సభ్యుడు ఎంవీవీ సత్యనారాయణ ఈ చిత్రాన్ని నిర్మిస్తు్న్నారు. డిసెంబర్ 16న ఈ సినిమా షూటింగ్‏ను ప్రారంభించారు. మూవీ సహ నిర్మాత జీవీ కెమెరా స్విచ్చాన్ చేయగా, ఎంవీవీ సత్యనారాయణ క్లాప్ ఇచ్చారు. ఈ కార్యక్రమంలో రాజమండ్రి పార్లమెంట్ సభ్యుడు మరగాని భరత్, పెందుర్తి ఎమ్మెల్యే అదిప్ రాజ్, గాజువాక ఎమ్మెల్యే నాగిరెడ్డి, గుడివాడ ఎమ్మెల్యే అమర్ నాథ్ ముఖ్య అతిథులుగా పాల్గోన్నారు. ఈ సందర్బంగా ఈ సినిమా డైరెక్టర్ కోన వెంకట్ మాట్లాడుతూ.. “కామెడీ సినిమాలతో నా కెరిర్‏ను ప్రారంభించి స్టార్ రైటర్‏గా ఎదిగాను. ప్రస్తుతం అదే కామెడీతో మరోసారి ప్రేక్షకులను నవ్వించడానికి రాబోతున్నాం” అని అన్నారు. అనంతరం వైజాగ్ పార్లమెంట్ సభ్యుడు ఎంవీవీ సత్యనారాయణ మాట్లాడుతూ.. “ఈ మూవీకి సంబంధించిన రెగ్యులర్ షూటింగ్ బుధవారం ప్రారంభించాం. విశాఖపట్నం చుట్టూ పక్కల ప్రాంతాల్లో సింగిల్ షెడ్యూల్‏లో ఈ సినిమాను పూర్తిచేసి, వచ్చే ఏడాది వేసవిలో చిత్రాన్ని విడుదల చేయడానికి ప్రయత్నం చేస్తాం” అని అన్నారు.