‘గుణ 369’గా కార్తికేయ

‘ఆర్ఎక్స్ 100’ చిత్రంతో టాలీవుడ్‌లో ఎంట్రీ ఇచ్చి తొలి చిత్రంతో తిరుగులేని విజయాన్ని అందుకున్న కార్తికేయ క్రేజీ స్టార్‌గా మారారు. ఈ సినిమాలో ప్రేమ‌లో విఫ‌ల‌మైన యువ‌కుడి పాత్ర పోషించి ప్రేక్షకులను మెప్పించాడు. తాజాగా అరుణ్ జంధ్యాల దర్శకత్వంలో ఓ సినిమా చేస్తున్నాడు. ఈ మూవీ తొలిరూపుతో పాటు టైటిల్​ను విడుదల చేసింది చిత్రబృందం. ‘గుణ 369’ పేరుతో తెరకెక్కనున్నఈ సినిమాకు చైత‌న్ భ‌ర‌ద్వాజ్ సంగీతం అందిస్తున్నాడు.

‘హిప్పీ’ అనే చిత్రంతో కోలీవుడ్‌‌లో కూడా ఎంట్రీ ఇస్తున్నాడు కార్తికేయ‌. ఈ సినిమాకు టీఎన్ కృష్ణ దర్శకత్వం వహిస్తున్నాడు. నాని నటిస్తున్న ‘గ్యాంగ్ లీడర్’​ చిత్రంలోనూ విలన్​గా కనిపించనున్నాడు.