వరుస హత్యల వెనుక రహస్యాలు.. సస్పెన్స్‌కు తెరతీసిన ‘కల్కి’ టీజర్!
యాంగ్రీ స్టార్ రాజశేఖర్ ప్రధాన పాత్రలో ప్రశాంత్ వర్మ డైరెక్షన్‌లో రూపుదిద్దుకున్న యాక్షన్ ఎంట‌ర్‌టైన‌ర్‌ ‘కల్కి’. ఇప్పటికే రిలీజైన చిత్ర టీజర్, సాంగ్ ప్రోమోస్ చిత్రంపై అంచనాలను అమాంతం పెంచేస్తే.. రీసెంట్‌గా విడుదల చేసిన ‘హానెస్ట్ ట్రైలర్’ ప్రేక్షకుల్లో మరింత సస్పెన్స్‌ను పెంచేసింది. ఇక ట్రైలర్ విషయానికి వస్తే దాదాపు ఇది సినిమా రివ్యూను తలపించే విధంగా సాగింది. 19వ దశకంలో తెలంగాణ రాష్ట్రంలోని కొల్లాపూర్ అనే ఊరి ఎమ్మెల్యే(అశుతోష్ రానా)తమ్ముడు శేఖర్ బాబును ఎవరో దారుణంగా […]
యాంగ్రీ స్టార్ రాజశేఖర్ ప్రధాన పాత్రలో ప్రశాంత్ వర్మ డైరెక్షన్‌లో రూపుదిద్దుకున్న యాక్షన్ ఎంట‌ర్‌టైన‌ర్‌ ‘కల్కి’. ఇప్పటికే రిలీజైన చిత్ర టీజర్, సాంగ్ ప్రోమోస్ చిత్రంపై అంచనాలను అమాంతం పెంచేస్తే.. రీసెంట్‌గా విడుదల చేసిన ‘హానెస్ట్ ట్రైలర్’ ప్రేక్షకుల్లో మరింత సస్పెన్స్‌ను పెంచేసింది.
ఇక ట్రైలర్ విషయానికి వస్తే దాదాపు ఇది సినిమా రివ్యూను తలపించే విధంగా సాగింది. 19వ దశకంలో తెలంగాణ రాష్ట్రంలోని కొల్లాపూర్ అనే ఊరి ఎమ్మెల్యే(అశుతోష్ రానా)తమ్ముడు శేఖర్ బాబును ఎవరో దారుణంగా హత్య చేస్తారు. ఇక ఈ హత్య గురించి వివరాలు సేకరించే పనిలో ఓ యువకుడు(రాహుల్ రామకృష్ణ) ఆ ఊరిలోకి దిగుతాడు. అటు కేసు ఇన్వెస్టిగేషన్ పనిలో ఆఫీసర్ కల్కి(రాజశేఖర్) రంగప్రవేశం చేస్తాడు. అందరూ అనుకున్నంత సులభమైన కేసు ఇది కాదు.. ఆ హత్య వెనుక ఎన్నో రహస్యాలు, పగ, ప్రతీకారాలు దాగి ఉంటాయి. అవి ఏంటి.? కల్కి ఈ కేసును ఎలా చేధించాడు అనేది తెలియాలంటే సిల్వర్ స్క్రీన్‌పై చూడాల్సిందే.
‘ఆకాశవాణి.. కొల్లాపూర్ ఎమ్మెల్యే నర్సప్ప తమ్ముడు శేఖర్‌బాబు దారుణ హత్య తర్వాత నర్సప్ప పెరుమాండ్ల వర్గీయుల మధ్య పరస్పర దాడులతో ఉద్రిక్త పరిస్థితులు నెలకొన్నాయి’ అన్న డైలాగ్‌‌తో మొదలైన ట్రైలర్ చివరి వరకు సస్పెన్స్‌తో ప్రేక్షకులను ఆకట్టుకుంటుంది. ముఖ్యంగా ట్రైలర్ మధ్యలో స్వామీజీ పాత్రలో నాజర్ పలికిన డైలాగ్ ‘హనుమంతుడు సాయం మాత్రమే చేస్తాడు. యుద్ధం చేయాల్సింది మాత్రం రాముడే’ అన్నదాన్ని హైలైట్ చేశాడు. ఆ తర్వాత రాజశేఖర్ గొడ్డలి పట్టుకుని వచ్చే బిల్డప్ షాట్స్.. అలాగే వెనక వచ్చే బ్యాగ్రౌండ్ మ్యూజిక్ ట్రైలర్‌ను మరోస్థాయికి తీసుకెళ్లాయి.
ఇక దర్శకుడు ప్రశాంత్ వర్మ గురించి చెప్పాలంటే తన మొదటి సినిమా ‘అ’ మాదిరిగానే.. ఈ ‘కల్కి’ సినిమాను కూడా తనదైన శైలి టేకింగ్, సస్పెన్స్ తో ఆధ్యంతం ఆసక్తికరంగా తెరకెక్కించినట్లు తెలుస్తోంది. శివానీ, శివాత్మిక సమర్పణలో హ్యాపీ మూవీస్ పతాకం‌పై ప్రముఖ నిర్మాత సి. కళ్యాణ్ ఈ సినిమాను నిర్మించారు. కాగా ఈ నెల 28న ప్రపంచవ్యాప్తంగా ఈ చిత్రం విడుదల కానుంది. ‘గరుడ వేగా’ తర్వాత రాజశేఖర్‌కు మరో హిట్ ఖాయమనిపిస్తోంది.
