Pushpa 2 The Rule: ఇది కదా అరాచకం అంటే..!! గూస్‌బంప్స్ తెప్పిస్తున్న పుష్ప ఫస్ట్ సాంగ్..

పాన్ ఇండియా స్టార్ అల్లు అర్జున్ హీరోగా నటిస్తున్న పుష్ప 2 సినిమా కోసం దేశవ్యాప్తంగా ఉన్న ప్రేక్షకులు ఈగర్ గా ఎదురుచూస్తున్నారు. ఈ సినిమా ఎలా ఉండబోతుంది.? కథలో ఎలాంటి ట్విస్ట్ లు ఉంటాయి.? అని అందరూ ఎంతో ఆసక్తిగా ఎదురుచూస్తున్నారు. సుకుమార్ దర్శకత్వంలో వచ్చిన పుష్ప సినిమా సంచలన విజయాన్ని అందుకున్న విషయం తెలిసిందే. పాన్ ఇండియా వైడ్ గా రిలీజ్ అయిన ఈ సినిమా అన్ని భాషల్లో సూపర్ హిట్ గా నిలిచింది. అల్లు అర్జున్ నటనకు ఏకంగా జాతీయ అవార్డు లాభించింది. అంతే కాదు బన్నీ క్రేజ్ ఈ సినిమా తర్వాత బీభత్సంగా పెరిగింది. ఎక్కడ చూసిన అల్లు అర్జున్ పేరే వినిపిస్తుంది.. పుష్ప డైలాగ్సే మారుమ్రోగుతున్నాయి. ఇక ఇప్పుడు పుష్ప సినిమాకు కొనసాగింపుగా వస్తున్న పుష్ప 2 పై అంచనాలు భారీ ఏర్పడ్డాయి.

పుష్ప సినిమాలో స్మగర్ల్ గా కనిపించిన అల్లు అర్జున్.. పుష్ప 2 లో సిండికేట్ మెంబర్ గా మారి ఆ సామ్రాజానికే కింగ్ అవుతాడు. ఈ క్రమంలో ఆతను ఎలాంటి సవాళ్ళను ఎదుర్కున్నాడు. విలన్స్ ను ఎలా ఎదిరించాడు అనేవి చూపించనున్నారు. ఇప్పటికే ఈ సినిమానుంచి విడుదలైన పోస్టర్ భారీ హైప్ ను క్రియేట్ చేశాయి. తాజాగా ఈ సినిమానుంచి ఫిర్చ్ లిరికల్ సాంగ్ ను విడుదల చేశారు.

రాక్ స్టార్ దేవీ శ్రీ ప్రసాద్ ఎప్పటిలానే అదిరిపోయే మ్యూజిక్ తో కట్టిపడేశారు. పుష్ప, పుష్ప , పుష్ప రాజ్ అంటూ సాంగ్ ఈ సాంగ్ గూస్ బంప్స్ తెప్పిస్తుంది. మొదటి పార్ట్ లో పాటలని ఎంత సూపర్ హిట్ అయ్యాయో ప్రత్యేకంగా చెప్పాల్సిన అవసరం లేదు. ఆ పాటలను బీట్ చేసేలా మ్యూజిక్ కంపోజ్ చేశారు దేవీ శ్రీ. ఈ ఒక్క సాంగ్ తో ఆ విషయం అర్ధమైపోతుంది. పాటతో పాటు బన్నీ లుక్స్ కూడా మెస్మరైజ్ చేస్తున్నాయి. మొత్తానికి పుష్ప 2 ఫిర్చ్ సాంగ్ సినిమా పై అంచనాలను తారాస్థాయికి చేర్చింది.

మరిన్ని సినిమా వార్తల కోసం ఇక్కడ క్లిక్ చేయండి.