విలక్షణ నటుడితో చిరు తనయ ‘ఎక్సేంజ్ ఆఫ్ ఫైర్‌’‌

మెగాస్టార్‌ చిరంజీవి తనయ సుస్మిత కొణిదెల, తన భర్త విష్ణుతో కలిసి నిర్మాణ రంగంలోకి ఎంట్రీ ఇచ్చారు. గోల్డ్ బాక్స్‌ ఎంటర్‌టైన్‌మెంట్‌ పేరుతో సుస్మిత దంపతులు వెబ్‌సిరీస్‌లను నిర్మించేందుకు సిద్ధమవుతున్నారు. ఈ క్రమంలో ఇప్పటికే ఓ దర్శకుడిని ఫైనల్ చేసుకున్న వీరు.. వెబ్‌సిరీస్‌ పనులను ప్రారంభించినట్లు తెలుస్తోంది. విలక్షణ నటుడు ప్రకాష్‌ రాజ్‌ ప్రధాన పాత్రలో వీరు ఓ వెబ్‌ సిరీస్‌ను నిర్మిస్తున్నారట. ఇక ఇందులో సంపత్‌ రాజ్‌ మరో కీలక పాత్రలో కనిపించబోతున్నట్లు టాక్‌. ఈ సిరీస్‌కు ‘ఓయ్’ ఫేమ్‌ ఆనంద్‌ రంగ దర్శకత్వం వహించనున్నట్లు సమాచారం. పోలీస్‌ కథాంశంతో తెరకెక్కబోతున్న ఈ సిరీస్‌కి ‘ఎక్సేంజ్ ఆఫ్‌ ఫైర్’‌ అనే టైటిల్‌ని రిజిస్టర్ చేయించినట్లు తెలుస్తోంది. త్వరలోనే ఈ సిరీస్‌ షూటింగ్‌ జరగనున్నట్లు సమాచారం. మరి ఇందులో నిజమెంతో తెలియాలంటే అధికారిక ప్రకటన వచ్చే వరకు ఆగాల్సిందే. కాగా సుస్మిత కొణిదెల ఇప్పటికే ఫ్యాషన్‌ డిజైనర్‌గా మంచి గుర్తింపును సాధించుకోవడంతో పాటు అవార్డులను సాధించిన విషయం తెలిసిందే.