Tollywood : ఒక్క ఎపిసోడ్‏కు రూ.70 వేలు.. ఇండస్ట్రీలోనే తోపు హీరోయిన్.. ఇప్పుడు క్యాన్సర్‏తో పోరాటం..

బుల్లితెరపై పాపులర్ హీరోయిన్. ఒక్క సీరియల్ ద్వారా విపరీతమైన క్రేజ్ సొంతం చేసుకుంది. అంతేకాదు.. ఒక్క ఎపిసోడ్ కోసం రూ.70 వేలు పారితోషికం తీసుకుంది. పెళ్లి చేసుకుని ఇస్లాం మతంలోకి మారిన ఈ అమ్మడు.. ఆ తర్వాత కూడా సీరియల్స్, రియాల్టీ షోలతో బిజీగా ఉండేది. కానీ ఇప్పుడు క్యాన్సర్‏తో పోరాడుతుంది.

Actress

Rajitha Chanti |
Updated on: Jun 10, 2025 | 5:57 PM

టీవీ పరిశ్రమలో ఆమె తోపు హీరోయిన్. కేవలం ఒక్క ఎపిసోడ్ కోసం రూ.70,000 పారితోషికం తీసుకుంటూ ఇండస్ట్రీలో అగ్ర కథానాయికగా గుర్తింపు తెచ్చుకుంది. అందం, అద్భుతమైన నటనతో బుల్లితెర ప్రేక్షకుల హృదయాలను గెలుచుకుంది. చాలా సంవత్సరాలుగా టీవీ పరిశ్రమలో కొనసాగుతున్న ఈ ముద్దుగుమ్మ స్టార్ హీరోహీరోయిన్స్ రేంజ్ ఫాలోయింగ్ ఉందంటే అతిశయోక్తి కాదు. అయితే కెరీర్ మంచి పీక్స్ లో ఉండగానే పెళ్లి చేసుకుని వైవాహిక జీవితంలోకి అడుగుపెట్టింది. కానీ ఆ వివాహం ఎక్కువకాలం సాగలేదు. ఫస్ట్ మ్యారేజ్ నుంచి బయటపడిన తర్వాత తనతోపాటు నటించే నటుడిని ప్రేమించి పెళ్లి చేసుకుంది. ప్రియుడిని రెండో వివాహం చేసుకున్న ఈ నటి ఇప్పుడు ఫ్యామిలీ లైఫ్ గడుపుతుంది. వీరికి బాబు ఉన్నారు.

పెళ్లి తర్వాత కొన్నాళ్లపాటు ఇండస్ట్రీకి దూరంగా ఉన్న ఆమె.. ఇప్పుడు క్యాన్సర్ సమస్యతో పోరాడుతుంది. ఒకప్పుడు ఎపిసోడ్ కు 70,000 రూపాయలు పారితోషికం తీసుకున్న ఆమె.. ఇప్పుడు క్యాన్సర్ సమస్యకు చికిత్స తీసుకుంటుంది. ఆమె మరెవరో కాదు.. నటి దీపికా కక్కర్. హిందీలో మోస్ట్ పాపులర్ సీరియల్స్ ససురల్ సిమర్ కా, కహాన్ హమ్ కహాన్ తుమ్ ద్వారా పాపులర్ అయ్యింది. ఇప్పుడు దీపికా స్టేజ్ 2 లివర్ క్యాన్సర్ తో పోరాడుతుంది. కొన్ని నెలలుగా ఆమె చికిత్స తీసుకుంటుంది. దీపిక కాలేయంలోని ఎడమ భాగంలో టెన్నిస్ బంతి పరిమాణంలో పెద్ద కణితి ఉన్నట్లు గుర్తించారు వైద్యులు. దీంతో ఆమెకు దాదాపు 14 గంటలు శస్త్ర చికిత్స చేశారట.

క్యాన్సర్ సమస్య ఉన్నట్లు నిర్దారణ కావడానికి ముందు దీపిక సెలబ్రెటీ మాస్టర్ చెఫ్ లో పనిచేసింది. కానీ ఆ షోను సగంలోనే వదిలేసింది. 2011లో రౌనక్ శర్మను వివాహం చేసుకున్న దీపిక.. 2015లో విడాకులు తీసుకుంది. ఆ తర్వాత నటుడు షోయబ్ ఇబ్రహీంను ప్రేమించి పెళ్లి చేసుకుంది. ఇస్లాం మతంలోకి మారిన తర్వాత దీపిక తన పేరును ఫైజాగా మార్చుకుంది. 2023లో బాబుకు జన్మనిచ్చింది దీపిక.