Prince OTT: ఇట్స్ అఫిషియల్.. ప్రిన్స్ ఓటీటీ రిలీజ్ డేట్ వచ్చేసిందోచ్.. ఆరోజు నుంచే స్ట్రీమింగ్
ప్రముఖ ఓటీటీ ప్లాట్ఫామ్ డిస్నీ ప్లస్ హాట్స్టార్ ప్రిన్స్ సినిమా డిజిటల్ హక్కులను సొంతం చేసుకుంది. థియేట్రికల్ రన్ పూర్తి కావడంతో ఈనెల 25 నుంచి ఈ సినిమాను స్ట్రీమింగ్ చేయనున్నట్లు హాట్స్టార్ అధికారిక ప్రకటన విడుదల చేసింది.
కోలీవుడ్ హీరో శివ కార్తికేయన్ మొదటిసారి తెలుగులో నేరుగా నటించిన చిత్రం ప్రిన్స్. జాతిరత్నాలు ఫేమ్ అనుదీప్ తెరెక్కించిన ఈ రొమాంటిక్ కామెడీ ఎంటర్టైనర్లో ఉక్రెయిన్ బ్యూటీ మారియా ర్యాబోషప్క హీరోయిన్గా నటించింది. శ్రీ వెంకటేశ్వర సినిమాస్, సురేష్ ప్రొడక్షన్స్ బ్యానర్లపై సునీల్ నారంగ్, డి.సురేష్ బాబు, పుష్కర్ రామ్ మోహన్ ఈ సినిమాను నిర్మించారు. అక్టోబర్ 21న తెలుగుతో పాటు తమిళ్లో విడుదలైన ఈ చిత్రం యావరేజ్ టాక్ సొంతం చేసుకుంది. అయితే శివ కార్తికేయన్ నటన, మరియా అందాలతో పాటు అనుదీప్ టేకింగ్ సినిమా ప్రేక్షకులను బాగానే ఆకట్టుకున్నాయి. థియేటర్లలో ఓ మోస్తరు కలెక్షన్లతో సరిపెట్టుకున్న ఈ మూవీ డిజిటల్ ప్రీమియర్కు సిద్ధమైంది. ప్రముఖ ఓటీటీ ప్లాట్ఫామ్ డిస్నీ ప్లస్ హాట్స్టార్ ప్రిన్స్ సినిమా డిజిటల్ హక్కులను సొంతం చేసుకుంది. థియేట్రికల్ రన్ పూర్తి కావడంతో ఈనెల 25 నుంచి ఈ సినిమాను స్ట్రీమింగ్ చేయనున్నట్లు హాట్స్టార్ అధికారిక ప్రకటన విడుదల చేసింది.
ఈ సినిమాలో సత్యరాజ్, ప్రేమి అమరన్, సతీష్ కృష్ణన్, రాహుల్, ఆనందరాజ్ కీలక పాత్రలలో నటించారు. ఇక సినిమా కథ విషయానికొస్తే.. హీరో శివకార్తికేయన్ ఓ స్కూలు టీచర్. అదే స్కూల్లోని ఇంగ్లిష్ టీచర్ మరియాను ప్రేమిస్తాడు. హీరో ఇండియన్ అబ్బాయి, హీరోయిన్ బ్రిటీష్ అమ్మాయి కావడంతో వీరి ప్రేమకు అడ్డంకులు వచ్చిపడతాయి. దీంతో ఈ ప్రేమ పోరాటం కాస్తా రెండు దేశాల మధ్య పోట్లాటగా మారుతుంది. మరి హీరో తన ప్రేమను ఎలా గెలిపించుకున్నాడనేదే అసలు కథ. అనుదీప్ శైలి కామెడీ పంచులతో ఎంతో ఆహ్లాదకరంగా సాగిపోతుందీ సినిమా. మరి థియేటర్లలో ప్రిన్స్ వేషాలను చూడలేని వారు ఎంచెక్కా ఓటీటీలో చూసి ఎంజాయ్ చేయండి.
‘All Indians are my brothers and sisters’#PrinceOnHotstar from November 25, Only on @DisneyPlusHSTel.
Here’s the trailer ▶️ https://t.co/uGjmaidbTq@Siva_Kartikeyan @anudeepfilm @maria_ryab @SureshProdns @SVCLLP @ShanthiTalkies @manojdft @Cinemainmygenes #Sathyaraj pic.twitter.com/VuFtGeWLLz
— Disney+ Hotstar Telugu (@DisneyPlusHSTel) November 15, 2022
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి..