Robinhood OTT: ఓటీటీలోకి వచ్చేసిన నితిన్, శ్రీలీల కొత్త సినిమా.. వార్నర్ మామ కోసమైనా ఒకసారి ఈ మూవీ చూడాల్సిందే
యూత్ స్టార్ నితిన్ , గ్లామరస్ బ్యూటీ శ్రీలీల జంటగా నటించిన లేటెస్ట్ సినిమా రాబిన్ హుడ్. మార్చిలో థియేటర్లలో విడుదలైన ఓ మూవీ ఓ మోస్తరుగా ఆడింది. డేవిడ్ వార్నర్ ఈ మూవీలో ఓ స్పెషల్ అప్పియరెన్స్ ఇచ్చాడు. ఇప్పుడీ సినిమా ఓటీటీలోకి వచ్చేసింది.
Updated on: May 10, 2025 | 8:02 PM
నితిన్, శ్రీలీల రెండోసారి జంటగా నటించిన చిత్రం రాబిన్ హుడ్. ఛలో, భీష్మ సినిమాలతో మంచి పేరు తెచ్చుకున్న వెంకీ కుడుమల ఈ సినిమాకు దర్శకత్వం వహించాడు. అలాగే ఆసీస్ డ్యాషింగ్ క్రికెటర్ డేవిడ్ వార్నర్ ఓ కీలక పాత్ర పోషించాడు. దీనికి తోడు క్రేజీ హీరోయిన్ కేతిక శర్మ ఓ స్పెషల్ సాంగ్ లో కనిపించడం, అది కాస్తా కాంట్రవర్సీ కావడంతో రిలీజ్ కు ముందే రాబిన్ హుడ్ సినిమా వార్తల్లో నిలిచింది. అందుకు తగ్గట్టుగానే మార్చి 28న థియేటర్లలో రిలీజైన రాబిన్ హుడ్ సినిమా ఆడియెన్స్ అంచనాలు అందుకోలేకపోయింది. మొదటి షో నుంచే మిక్స్ డ్ టాక్ వచ్చింది. ఆ తర్వాత ఆ టాక్ అలాగే కంటిన్యూ కావడంతో మూవీ ఫ్లాప్ గా నిలిచింది. మైత్రీ మూవీ మేకర్స్ ఈ మూవీకి భారీ బడ్జెట్ వెచ్చించినా పెద్దగా కలెక్షన్లు రాలేదు. సినిమాలో నితిన్- శ్రీలీల జోడీ ఆకట్టకున్నా కథా, కథనాలు ఆడియెన్స్ ను బాగా డిజప్పాయింట్ చేశాయి. ఇక డేవిడ్ వార్నర్ కూడా కొద్ది సేపు మాత్రమే కనిపించడం సినిమాకు మైనస్ అయ్యింది. మొత్తానికి థియేటర్లలో సోసోగా ఆడింది రాబిన్ హుడ్. చాలా మంది ఓటీటీలో ఈ సినిమాను చూద్దామని ఫిక్స్ అయ్యారు. అలాంటి వారి కోసమే ఇప్పుడీ మూవీ డిజిటల్ స్ట్రీమింగ్ కు వచ్చేసింది.
రాబిన్ హుడ్ సినిమా డిజిటల్ స్ట్రీమింగ్ హక్కులు, శాటిలైట్ హక్కులను జీ5, జీ5 తెలుగు సొంతం చేసుకున్నాయి. మే 10న సాయంత్రం 6 గంటలకు ఈ సినిమా ‘జీ తెలుగు’ ఛానల్తో పాటు జీ5 ఓటీటీలోనూ ఈ మూవీ ప్రసారం కానుందని ఇది వరకే అధికారిక ప్రకటన వెలువడింది. అందుకు తగ్గట్టుగానే రాబిన్ హుడ్ సినిమా ఒకేసారి జీ5 ఓటీటీతో పాటు జీ5 తెలుగు ఛానెల్ లో ప్రసారమవుతోంది.
జీ5 ఓటీటీలో స్ట్రీమింగ్..
The surprise is here! #RobinhoodOnZee5 is here!!🥳
This weekend, it is adhi dha surprise time@actor_nithiin @sreeleela14 @davidwarner31 @TheKetikaSharma @gvprakash @MythriOfficial @VenkyKudumula @gvprakash #RajendraPrasad @vennelakishore @DevdattaGNage #SaiSriram pic.twitter.com/9ykHLrDCr1
— ZEE5 Telugu (@ZEE5Telugu) May 10, 2025
Watch out – #RobinhoodOnZee5 is an entertainment package, ready to make your weekend!
STREAMING NOW@actor_nithiin @sreeleela14 @davidwarner31 @TheKetikaSharma @gvprakash @MythriOfficial @VenkyKudumula @gvprakash #RajendraPrasad @vennelakishore @DevdattaGNage pic.twitter.com/7nrbUpeK5Q
— ZEE5 Telugu (@ZEE5Telugu) May 10, 2025
మరిన్ని సినిమా వార్తల కోసం ఇక్కడ క్లిక్ చేయండి.
