Cinema : ఏం సిరీస్ మావ.. ప్రతి క్షణం మరణ భయం.. ఒక్కో సీన్‏కు గుండె ఆగిపోవాల్సిందే.. అస్సలు మిస్సవ్వొద్దు..

మీకు థ్రిల్లర్ సినిమాలు చూడడం ఇష్టమా… ? అయితే మీ కోసమే ఈ సిరీస్ గురించి చెబుతున్నాము. జాంబీ హారర్ థ్రిల్లర్ శైలికి చెందిన ఈ సిరీస్ ప్రముఖ ఓటీటీ ప్లాట్ ఫామ్ నెట్ ఫ్లిక్స్ లో అందుబాటులో ఉంది. ఒక సీజన్.. మొత్తం 4 ఎపిసోడ్స్ తో సాగే సిరీస్.. షారుఖ్ ఖాన్ కు చెందిన రెడ్ చిల్లీస్ ఎంటర్టైన్మెంట్ నిర్మించిన ఈ సిరీస్ హిందీలో రూపొందించారు. ఈ సిరీస్ పేరు బేతాల్. పౌరాణిక కథల ఆధారంగా రూపొందించారు. భారతదేశంలోని కడికోడి గ్రామంలోని ఒక సొరంగ మార్గాన్ని జాతీయ రహదారిగా మార్చాలని ప్రభుత్వం భావిస్తుంది. ఆ సొరంగంను కూల్చివేసి రోడ్డు నిర్మించాలని ఉత్తర్వు జారీ చేస్తుంది. అయితే ఆ గ్రామస్తులు మాత్రం సొరంగం జోలికి వెళ్లకూడదని అంటారు. అయితే సైన్యం సాయంతో ఆ సొరంగాన్ని హైవేగా మార్చే ప్లాన్ చేస్తారు. అయితే అప్పుడే అసలు సినిమా ప్రారంభమవుతుంది. ఆ తర్వాత ఏం జరుగుతుందనేది బేతాల్ సిరీస్.

ఊహించని సంఘటనలు, మలుపులు, థ్రిల్లర్ క్షణాలతో సాగుతుంది. ఈ సిరీస్ క్లైమాక్స్ ఆద్యంతం ఉత్కంఠతో సాగుతుంది. ఈ సిరీస్ నెట్ ఫ్లిక్స్ లో స్ట్రీమింగ్ అవుతుంది. ఈ సిరీస్ మిమ్మల్ని ఆద్యంతం ఆకట్టుకుంటుంది.