Balagam Movie: ఓటీటీలోనూ దూసుకుపోతున్న ‘బలగం’.. ట్రెండింగ్లోనూ టాప్..
ఎలాంటి అంచనాలు లేకుండా చిన్న సినిమాగా మార్చి 3న విడుదలైన ఈ సినిమా పాజిటివ్ టాక్ సంపాదించుకుంది. అంతేకాకుండా ప్రతి ప్రేక్షకుడిని ఎమోషనల్ గా టచ్ చేసిందని ఆడియన్స్ చెప్పుకొచ్చారు. అటు బాక్సాఫీస్ వద్ద భారీగానే వసూళ్లు రాబట్టిన ఈ సినిమా.. అతి తక్కువ సమయంలోనే ఓటీటీలోకి వచ్చింది.
Updated on: Mar 28, 2023 | 11:00 AM
స్టార్ హీరోహీరోయిన్స్ కాకుండా..కంటెంట్ బాగుంటే ఎంత చిన్న సినిమా అయినా బాక్సాఫీస్ వద్ద సెన్సెషన్ చేస్తుందని మరోసారి నిరూపించింది బలగం చిత్రం. తెలుగు తెరపై కమెడియన్గా అలరించిన వేణు యెల్దండి రూపొందించిన ఈ చిత్రానికి ప్రేక్షకుల నుంచి అద్భుతమైన రెస్పాన్స్ వచ్చింది. దిల్ రాజు ప్రొడక్షన్ బ్యానర్ పై శిరీష్ సమర్పణలో హర్షిత్ రెడ్డి, హన్షిత నిర్మించిన బలగం సినిమా సూపర్ హిట్ గా నిలిచింది. ఇందులో ప్రియదర్శి, కావ్య కళ్యాణ్ రామ్, సుధాకర్ రెడ్డి, మురళీధర్ గౌడ్ తదితరులు ప్రధాన పాత్రలలో నటించారు. ఎలాంటి అంచనాలు లేకుండా చిన్న సినిమాగా మార్చి 3న విడుదలైన ఈ సినిమా పాజిటివ్ టాక్ సంపాదించుకుంది. అంతేకాకుండా ప్రతి ప్రేక్షకుడిని ఎమోషనల్ గా టచ్ చేసిందని ఆడియన్స్ చెప్పుకొచ్చారు. అటు బాక్సాఫీస్ వద్ద భారీగానే వసూళ్లు రాబట్టిన ఈ సినిమా.. అతి తక్కువ సమయంలోనే ఓటీటీలోకి వచ్చింది.
థియేటర్లలో రిలీజ్ అయి నెల తిరక్కుండానే అమెజాన్ ప్రైమ్ వీడియోలోకి వచ్చింది బలగం చిత్రం. ఓవైపు ఓటీటీలో స్ట్రీమింగ్ అవుతున్నప్పటికీ థియేటర్లలోనూ భారీగానే వసూళ్లు రాబట్టింది ఈ చిత్రం. బలగం బ్రేక్ ఈవెన్ టార్గెట్ రూ. 1.2 కోట్లు కాగా.. మొదటి వీకెండ్ కే బ్రేక్ ఈవెన్ సాధించింది. ఇక 24 రోజులు పూర్తయ్యే సరికి ప్రపంచవ్యాప్తంగా రూ. 10.37 కోట్లు షేర్ రాబట్టింది. ఇప్పటివరకు ఈసినిమా రూ.9.17 కోట్లు రాబట్టినట్లు తెలుస్తోంది.
మరోవైపు ఓటీటీలోనూ దూసుకుపోతుంది బలగం చిత్రం. ప్రస్తుతం అమెజాన్ ప్రైమ్ వీడియోలో స్ట్రీమింగ్ అవుతున్న ఈ చిత్రానికి మంచి రెస్పాన్స్ వస్తుంది. డిజిటల్ ప్లాట్ ఫాంలో టాప్ 2 ట్రెండింగ్ లో ఉంది. అంతేకాకుండా.. రికార్డ్ స్థాయిలో వ్యూస్ అందుకుంటుంది ఈ చిత్రం. ఈ సినిమాతో దర్శకుడిగా భారీ విజయాన్ని అందుకున్నారు వేణు యెల్దండి. ఈ చిత్రానికి భీమ్స్ సంగీతం అందించారు.
