Butta Bomma OTT: ఓటీటీ రిలీజ్‌ డేట్‌ను ఫిక్స్‌ చేసుకున్న ‘బుట్టబొమ్మ’.. స్ట్రీమింగ్ ఎప్పుడు, ఎక్కడంటే?
టాలీవుడ్‌లో ఇటీవల విడుదలైన ఫీల్‌గుడ్‌ మూవీస్‌లో బుట్టబొమ్మ ఒకటి. మలయాళంలో తెరకెక్కిన సూపర్‌ హిట్‌ మూవీ కప్పెలాకు ఇది రీమేక్‌. చైల్ట్‌ ఆర్టిస్ట్‌గా మెప్పించిన అనిఖా సురేంద్రన్‌ ఈ సినిమాతో హీరోయిన్‌గా ఎంట్రీ ఇచ్చింది. సూర్య వశిష్ఠ్‌, అర్జున్‌ దాస్‌ కీలక పాత్రలు పోషించారు.
Updated on: Mar 01, 2023 | 6:10 AM
టాలీవుడ్‌లో ఇటీవల విడుదలైన ఫీల్‌గుడ్‌ మూవీస్‌లో బుట్టబొమ్మ ఒకటి. మలయాళంలో తెరకెక్కిన సూపర్‌ హిట్‌ మూవీ కప్పెలాకు ఇది రీమేక్‌. చైల్ట్‌ ఆర్టిస్ట్‌గా మెప్పించిన అనిఖా సురేంద్రన్‌ ఈ సినిమాతో హీరోయిన్‌గా ఎంట్రీ ఇచ్చింది. సూర్య వశిష్ఠ్‌, అర్జున్‌ దాస్‌ కీలక పాత్రలు పోషించారు. టీజర్లు, ట్రైలర్లతో రిలీజ్‌కు ముందు ఎన్నో అంచనాలు పెంచేసిన బుట్టబొమ్మ థియేటర్లలోకి విడుదలయ్యాక మాత్రం అనుకున్న స్థాయిలో ఆకట్టుకోలేకపోయింది. ఫిబ్రవరి 4 న థియేటర్లలో విడుదలైన ఈ సినిమా ఓ మోస్తరుగా మాత్రమే ఆడింది. అయితే ఇందులోని ప్రేమ సన్నివేశాలు, అనిఖా సురేంద్రన్‌ యాక్టింగ్‌ యూత్‌ను మెప్పించాయి. తాజాగా ఈ సినిమా ఓటీటీ రిలీజ్‌కు డేట్ ఖరారైంది. ‘బుట్టబొమ్మ’ డిజిటల్ స్ట్రీమింగ్ రైట్స్‌ను ప్రముఖ ఓటీటీ ప్లాట్‌ఫామ్‌ నెట్‌ఫ్లిక్స్ సొంతం చేసుకుంది. నెలరోజులు పూర్తి కావడంతో మార్చి 4నుంచి ఈ సినిమా డిజిటల్ ప్లాట్‌ఫామ్‌లో స్ట్రీమింగ్ కానుంది. తెలుగు, తమిళం, కన్నడ, మలయాళం భాషల్లో ఈ మూవీ ప్రేక్షకులకు అందుబాటులో ఉండనుంది.
బుట్టబొమ్మ సినిమా ద్వారా శౌరి చంద్రశేఖర్ టీ రమేష్ డైరెక్టర్‌గా టాలీవుడ్‌కు పరిచయమయ్యాడు. సితార ఎంటర్‌టైన్మెంట్స్, ఫార్చూన్ ఫోర్ సంయుక్తంగా నిర్మించిన ఈ సినిమాకు గోపీ సుందర్ స్వరాలు సమకూర్చారు. ల‌వ్ స్టోరీకి హ్యూమ‌న్ ట్రాఫికింగ్ పాయింట్‌ను జోడించి తెర‌కెక్కించిన ఈ సినిమాలో నవ్య స్వామి, జగదీశ్ ప్రతాప్ భండారి, రాజ్ తిరందాసు ముఖ్య పాత్రల్లో కనిపించారు. మరి థియేటర్లలో బుట్టబొమ్మను మిస్‌ అయిన వారు ఎంచెక్కా ఇంట్లోనే చూసి ఎంజాయ్‌ చేయండి.
#ButtaBomma pic.twitter.com/6gut5DOWUY
— Aakashavaani (@TheAakashavaani) February 28, 2023
మరిన్ని సినిమా వార్తల కోసం క్లిక్ చేయండి..
