Puneeth Rajkumar: పునీత్కు అమెజాన్ ప్రైమ్ ట్రిబ్యూట్.. ఫ్రీగా 5 సినిమాలు చూసే ఛాన్స్
కన్నడ స్టార్ హీరో పునీత్ రాజ్కుమార్.. గతేడాది అక్టోబరు 19న గుండెపోటుతో అకస్మికంగా గుండెపోటుతో మరణించిన విషయం తెలిసిందే. కాగా పునీత్కు.. ప్రముఖ ఓటీటీ సంస్థ అమెజాన్ ప్రైమ్ కూడా తనదైన రీతిలో నివాళి ఇచ్చేందుకు సిద్ధమైంది.
Updated on: Jan 22, 2022 | 11:26 AM
Amazon Prime Video: కన్నడ స్టార్ హీరో పునీత్ రాజ్కుమార్ (Puneeth Rajkumar).. గతేడాది అక్టోబరు 19న గుండెపోటుతో అకస్మికంగా గుండెపోటుతో మరణించిన విషయం తెలిసిందే. ఆయన భౌతికంగా లేరని ఇప్పటికీ అభిమానులు జీర్ణించుకోలేకపోతున్నారు. కేవలం నటుడిగానే కాక ఎన్నో సహాయ కార్యక్రమాలు చేసి ప్రజల్లో గుండెల్లో శాశ్వతంగా నిలిచిపోయారు పునీత్. కాగా పునీత్కు.. ప్రముఖ ఓటీటీ సంస్థ అమెజాన్ ప్రైమ్ కూడా తనదైన రీతిలో నివాళి ఇచ్చేందుకు సిద్ధమైంది. పునీత్ నటించిన 5 చిత్రాలను( లా, ఫ్రెంచ్ బిర్యానీ, కావలుదారి, మాయాబజార్ & యువరత్న) ఫిబ్రవరి 1 నుంచి ఫిబ్రవరి 28 వరకు ఫ్యాన్స్, యాప్లో ఫ్రీగా చూసే ఛాన్స్ కల్పించింది. ప్రైమ్ సభ్యులు కాని వారు కూడా ఉచితంగా ఈ సినిమాలు చూడవచ్చు. అలానే పునీత్ నిర్మాణ సంస్థ తెరకెక్కిస్తోన్న మూడు కొత్త సినిమాలు ‘మ్యాన్ ఆఫ్ ది మ్యాచ్’, ‘వన్ కట్ టూ కట్’, ‘ఫ్యామిలీ ప్యాక్’ కూడా తమ ఓటీటీలోనే విడుదల చేయనున్నట్లు అమెజాన్ ప్రకటన చేసింది.
View this post on Instagram
బాలనటుడిగానే సినిమాల్లో నటించడం ప్రారంభించిన పునీత్.. 2002లో ‘అప్పు’ సినిమాతో హీరోగా ఎంట్రీ ఇచ్చారు. అప్పటి నుంచి అతడని ఫ్యాన్స్ ‘అప్పు’ అని పిలవడం ప్రారంభించారు. అభి, వీర కన్నడిగ, అజయ్, అరసు, రామ్, హుదుగురు, అంజనీపుత్ర తదితర సినిమాలతో హిట్లు కొట్టి స్టార్ హీరోగా రాణించారు పునీత్. మొత్తం 32 సినిమాల్లో నటించారు. గతేడాది ఏప్రిల్లో విడుదలైన ‘యువరత్న’ మూవీలో చివరగా కనిపించారు. ఈ మూవీ తెలుగులోనూ విడుదలై మంచి విజయం సాధించింది. నటుడిగానే కాకుండా సింగర్గాను అభిమానుల్ని అలరించారు పునీత్. గాయకుడిగా పలు అవార్డులను సొంతం చేసుకున్నారు.
Also Read: పెళ్లి వేడుకలో డ్యాన్స్ చేస్తోన్న వధువును చెంపపై కొట్టిన వరుడు.. ఆమె దిమ్మతిరిగే షాక్ ఇచ్చింది
