నాని ‘వ్యూహం’లో మార్పు..?

నేచురల్ స్టార్ నాని తన తర్వాత చిత్రం దర్శకుడు మోహన్ కృష్ణ ఇంద్రగంటితో చేస్తున్న సంగతి తెలిసిందే. ఈ సినిమాలో నానితో పాటు యంగ్ హీరో సుధీర్ బాబు కూడా నటిస్తున్నాడు. కాగా ఈ చిత్రానికి ‘వ్యూహం’ అనే టైటిల్ ను ఫిక్స్ చేశారని గతంలో వార్తలు వచ్చాయి. అయితే తాజాగా ఈ సినిమా టైటిల్ ‘వ్యూహం’ కాదని.. అచ్చమైన తెలుగు టైటిల్ ను ఇంద్రగంటి ఈ సినిమాకు పెట్టినట్లు తెలుస్తోంది. గతంలో ఇంద్రగంటి టైటిల్స్ చూసుకుంటే ‘సమ్మోహనం, అష్టాచెమ్మా, అంతకు ముందు ఆ తరువాత’ లాంటి పేర్ల శైలిలోనే ఈ టైటిల్ ఉంటుందట.

అదితి రావు హైదరి, నివేధా థామస్ హీరోయిన్స్ గా నటిస్తున్న ఈ చిత్రాన్ని దిల్ రాజు నిర్మిస్తున్నారు. అమిత్ త్రివేది సంగీతం అందిస్తున్న ఈ చిత్రం ఈ నెల 26న గ్రాండ్ గా లాంచ్ కానుందని సమాచారం.