నిన్న చెర్రీ.. నేడు తారక్.. ఏమైంది..?
దర్శకధీరుడు రాజమౌళి తెరకెక్కిస్తోన్న భారీ బడ్జెట్ ప్రతిష్టాత్మక చిత్రం ‘ఆర్ఆర్ఆర్’కు షాక్ల మీద షాక్లు తగులుతున్నాయి. మొదట ఈ మూవీ నుంచి హాలీవుడ్ నటి ఎడ్గర్ జోన్స్ తప్పుకుంది. ఆ తరువాత జిమ్లో కసరత్తులు చేస్తోన్న రామ్ చరణ్ కాలికి చిన్న గాయం అవ్వడంతో.. మూడు వారాల పాటు షూటింగ్ను వాయిదా వేసింది చిత్ర యూనిట్. గాయం నుంచి చెర్రీ కోలుకోవడంతో త్వరలోనే షూటింగ్ను తిరిగి ప్రారంభించాలనుకుంది. అయితే ఇప్పుడు ఎన్టీఆర్ కూడా షాక్ ఇచ్చాడు. ఎన్టీఆర్ […]
దర్శకధీరుడు రాజమౌళి తెరకెక్కిస్తోన్న భారీ బడ్జెట్ ప్రతిష్టాత్మక చిత్రం ‘ఆర్ఆర్ఆర్’కు షాక్ల మీద షాక్లు తగులుతున్నాయి. మొదట ఈ మూవీ నుంచి హాలీవుడ్ నటి ఎడ్గర్ జోన్స్ తప్పుకుంది. ఆ తరువాత జిమ్లో కసరత్తులు చేస్తోన్న రామ్ చరణ్ కాలికి చిన్న గాయం అవ్వడంతో.. మూడు వారాల పాటు షూటింగ్ను వాయిదా వేసింది చిత్ర యూనిట్. గాయం నుంచి చెర్రీ కోలుకోవడంతో త్వరలోనే షూటింగ్ను తిరిగి ప్రారంభించాలనుకుంది. అయితే ఇప్పుడు ఎన్టీఆర్ కూడా షాక్ ఇచ్చాడు. ఎన్టీఆర్ కుడి చేతికి చిన్న గాయంతో కనిపించాడు. ఆ గాయం ఎలా అయిందో తెలీడం లేదు కానీ.. దీని వలన ‘ఆర్ఆర్ఆర్’ షూటింగ్ మరోసారి వాయిదా పడనున్నట్లు తెలుస్తోంది.
సాధారణంగా ఒక్కో సినిమాకు చాలా సమయాన్ని తీసుకుంటాడు జక్కన్న. ప్రతి సీన్లోనూ పర్ఫెక్షన్ కోరుకునే ఈ దర్శకుడు.. అనుకున్న సమయానికి సినిమాను విడుదల చేసిన దాఖలాలు చాలా తక్కువ. ఒకవైపేమో వచ్చే ఏడాది జూలై 30న ‘ఆర్ఆర్ఆర్’ను విడుదల చేస్తామని నిర్మాత ప్రకటించాడు. మరోవైపు వరుస షాక్లతో ‘ఆర్ఆర్ఆర్ ’షూటింగ్ బ్రేక్లు పడుతూ వస్తోంది. ఇలాంటి పరిస్థితుల్లో చెప్పిన సమయానికి సినిమా రాకపోవచ్చని టాలీవుడ్లో గుసగుసలు వినిపిస్తున్నాయి. కాగా ఈ చిత్రంలో చెర్రీ సరసన అలియా నటిస్తుండగా.. బాలీవుడ్ నటుడు అజయ్ దేవగన్, తమిళ నటుడు సముద్ర ఖని కీలక పాత్రలలో కనిపించనున్న విషయం తెలిసిందే.