అత్యంత ఎత్తైన రైలు మార్గాన్ని చూశారా

ప్రపంచంలోనే అత్యంత ఎత్తైన ఈ రైలు మార్గం చైనాలోని కింగ్హై-టిబెట్. ఈ మార్గంలో ప్రయాణం ఒక సాహసయాత్రలా సాగుతుంది. టిబెట్ రాజధాని లాసా వరకు సాగే ఈ ప్రయాణంలో రైలు బోగీలు ఒక చిన్నపాటి ఆసుపత్రిలా ఉంటాయి. అక్కడ ప్రతి ప్రయాణికుడికి ఆక్సిజన్ అందుబాటులో ఉంటుంది. రైలులో ప్రయాణించడానికి ఆక్సిజన్ పైపులు అవసరమవుతాయని ఊహించగలమా? కానీ, చైనాలోని కింగ్హై-టిబెట్ రైల్వే మార్గంలో ప్రయాణం చేస్తే ఈ అనుభవం ఎదురవుతుంది. మొత్తం 1,956 కిలోమీటర్ల పొడవైన ఈ రైలు మార్గంలో ఎక్కువ భాగం సముద్ర మట్టానికి సుమారు 4,000 మీటర్ల ఎత్తులో ప్రయాణిస్తుంది. మార్గమధ్యంలో వచ్చే తంగులా పాస్ వద్ద ఇది గరిష్ఠంగా 5,072 మీటర్ల ఎత్తుకు చేరుకుంటుంది. ఇంత ఎత్తులో గాలిలో ఆక్సిజన్ స్థాయి సాధారణం కంటే 40 శాతం తక్కువగా ఉంటుంది. దీంతో ప్రయాణికులు శ్వాస తీసుకోవడంలో ఇబ్బంది పడకుండా, వారి భద్రత కోసం రైళ్లలో రెండు రకాల ఆక్సిజన్ సరఫరా వ్యవస్థలను ఏర్పాటు చేశారు. సాధారణంగా గోల్ముడ్‌ స్టేషన్ దాటిన తర్వాత ఈ వ్యవస్థను ఆన్ చేస్తారు. ‘డైరెక్ట్ ఆక్సిజన్ అవుట్‌లెట్ సిస్టమ్’ ద్వారా ప్రయాణికులు తమ సీటు పక్కన ఉన్న అవుట్‌లెట్‌లకు చిన్న పైపులను కనెక్ట్ చేసుకొని నేరుగా ఆక్సిజన్ పీల్చుకోవచ్చు. ఈ ప్రయాణం సాహసోపేతమే కాదు, ఎన్నో మరపురాని ప్రకృతి దృశ్యాలను కూడా అందిస్తుంది. ప్రయాణంలో విశాలమైన నీలాకాశం, తెల్లని మేఘాలు, జడల బర్రెలు, గొర్రెల మందలతో పచ్చిక బయళ్లు కనువిందు చేస్తాయి. మంచుతో కప్పిన పర్వత శ్రేణులు, ప్రధాన నదులను దాటుకుంటూ రైలు ముందుకు సాగుతుంది. భారతదేశం నుంచి లాసా వెళ్లాలనుకునే వారు ముందుగా ఢిల్లీ నుంచి బీజింగ్‌కు విమానంలో వెళ్లాల్సి ఉంటుంది. దీనికి దాదాపు 55,000 రూపాయలు ఖర్చవుతుంది. అక్కడి నుంచి లాసాకు రైలులో ప్రయాణించవచ్చు. మొత్తం మీద కింగ్హై-టిబెట్ రైలు ప్రయాణం ఆధునిక ఇంజినీరింగ్ అద్భుతానికి, ప్రకృతి సౌందర్యానికి పెట్టింది పేరు.

మరిన్ని వీడియోల కోసం ఇక్కడ క్లిక్ చేయండి

Also Watch:

మగువలూ.. మీ అందాన్ని మరింత పెంచే చిట్కా ఇదే!

‘కాంతార’లాంటి అడవి.. కాపలా కాస్తున్న నాగదేవత

వామ్మో.. ఆ రోడ్డు పై ఘోస్ట్ సైకిల్‌.. తల, మొండెం లేకుండానే..

భార్య కోసం.. రేడియో టవర్ ఎక్కిన యువకుడు

వంద రోజులు ఒంటరి జీవితంపై ప్రయోగం!