నందమూరి హీరోతో ‘పంతం’ బ్యూటీ.!

‘ఎఫ్ 2’ సినిమాతో ఈ ఏడాది మంచి విజయాన్ని అందుకున్న యంగ్ బ్యూటీ మెహ్రీన్ కౌర్‌కు వరుస పెట్టి ఆఫర్స్ వెల్లువెత్తుతున్నాయి. తెలుగులో ఇప్పటికే యాక్షన్ హీరో గోపీచంద్‌తో ఓ సినిమా చేస్తున్న ఈ భామ తాజాగా నందమూరి కళ్యాణ్ రామ్ సరసన నటించేందుకు గ్రీన్ సిగ్నల్ ఇచ్చిందట. ఈ చిత్రానికి సతీష్ వేగేశ్న దర్శకుడు. అయితే దీనిపై అధికారిక ప్రకటన రావాల్సి ఉంది.

ఇది ఇలా ఉంటే మెహ్రీన్ పంజాబీలో ‘దేవ్’ అనే సినిమాతో అరంగేట్రం చేస్తున్న సంగతి తెలిసిందే. అటు మహేష్ బాబు, అనిల్ రావిపూడి కాంబినేషన్‌లో తెరకెక్కనున్న ‘సరిలేరు నీకెవ్వరూ’లో కూడా సెకండ్ హీరోయిన్‌గా మెహ్రీన్ ఎంపికైనట్లు వార్తలు వస్తున్నాయి. ఏది ఏమైనా ఈ బ్యూటీకి ఈ సంవత్సరం కలిసొచ్చిందని చెప్పాలి.