Shah Rukh Khan: మన హైదరాబాద్ బిడ్డ బాలీవుడ్ ను ఎలా గెలిచాడు

1980ల చివర్లో ఒక చీకటి రాత్రి. ముంబై మెరైన్ డ్రైవ్ తీరాన అరేబియా సముద్రం అలలను చూస్తూ ఒక 23 ఏళ్ల సాధారణ ఢిల్లీ కుర్రాడు నిలబడ్డాడు. జేబులో చిల్లిగవ్వ లేదు. వెనుక ఎలాంటి సినీ బ్యాక్‌గ్రౌండ్ లేదు. 26 ఏళ్లు రాకముందే కన్న తల్లిదండ్రులు ఇద్దరూ కాలం చేశారు. ఆ వెలుగుతున్న నగర ఆకాశహర్మ్యాల వైపు వేలు చూపిస్తూ ఆ కుర్రాడు ఒక మాట అన్నాడు: ‘ఏక్ దిన్ మై ఇస్ షెహర్ పే రాజ్ కరూంగా… అంటే ఏదో ఒక రోజు ఈ నగరాన్ని నేను శాసిస్తాను!’ ఆ రోజు దాన్ని విన్నవాళ్లంతా పగలబడి నవ్వారు. దాన్ని పిచ్చి అహంకారం అనుకున్నారు. కానీ నాలుగు దశాబ్దాల తర్వాత… అదే నగరం, అదే ప్రపంచం ఆయన ఇంటి గేటు ముందు గంటల తరబడి వంగి నమస్కరిస్తుందని ఎవరూ ఊహించలేదు.కింగ్ ఆఫ్ సినిమాగా ఆయన అవతరిస్తాడని ఎవరూ అనుకోని ఉండరు. కానీ ఆయన హార్డ్‌ వర్క్.. డెడికేషన్, పాషనే ఆయన్ను స్టార్‌గా మార్చింది. SRK అని అందరూ ఊగిపోయేలా చేసింది. షారుఖ్ పుట్టిన రోజు నేడు. ఫ్యాన్స్ సెలబ్రేషన్స్ అంబరాన్ని అంటుతున్నాయి. అయితే ఇది కేవలం ఒక స్టార్ పుట్టినరోజు వేడుక మాత్రమే కాదు… శతాబ్దానికి ఒక్కసారి మాత్రమే జరిగే ఒక అద్భుతం. ఇవాళ మనం విశ్లేషించుకోబోతున్నాం: ఒక అన్-కన్వెన్షనల్ ముఖం, చెదిరిన జుట్టు, జీరో సపోర్ట్‌తో మొదలై… భారతీయ సినిమా చరిత్రలోనే అత్యంత శక్తివంతమైన రికార్డులను తిరగరాసిన ‘షా రుఖ్ ఖాన్’ అనే ఒక అజేయ సామ్రాజ్యం వెనుక ఉన్న అసలు కథ! 1992 సమయానికి హిందీ సినిమాల్లోకి వచ్చే ఏ కొత్త హీరో అయినా ఏం కోరుకుంటాడు?మంచి రొమాంటిక్ లవర్ బాయ్ లేదా ఆదర్శవంతమైన కొడుకు పాత్రలతో సేఫ్ జర్నీ చేయాలనుకుంటాడు.కానీ షారుఖ్ ఖాన్ ఇండస్ట్రీలోకి ఎంట్రీ ఇస్తూనే ఇండస్ట్రీ పెద్దలు ముట్టుకోవడానికి కూడా భయపడిన పాత్రలను ఎంచుకున్నాడు. హీరోయిన్‌ను బిల్డింగ్ పైనుంచి తోసేసే నెగెటివ్ క్యారెక్టర్ బాజీగర్‌లో.. ఛాతీపై బ్లేడుతో పేరు రాసుకునే అబ్సెసివ్ సైకో లవర్ గా డర్‌ సినిమాలో… ఆ రోజుల్లో ఏ స్టార్ హీరో ఒప్పుకోని పాత్రలను నెత్తికెత్తుకున్నాడు. ఆయన ప్రేక్షకులను గ్రాంటెడ్‌గా తీసుకోలేదు. వాళ్ల దృష్టిని కొల్లగొట్టాడు.అయితే, అందరూ ఆయనను ‘పర్ఫెక్ట్ విలన్’ అని ఫిక్స్ అయ్యే క్షణంలో… భారతీయ ప్రేక్షకుల గుండె లయను మార్చేసిన మరో సంచలనం సృష్టించాడు.’దిల్‌వాలే దుల్హనియా లే జాయేంగే’! రాజ్ పాత్రలో షారుఖ్ చేసిన మ్యాజిక్ ఇప్పటికీ ప్రేక్షకుల మనసుల్లో చెరిగిపోలేదు.ఆ సినిమాలో రాజ్, ప్రేమించిన అమ్మాయిని తీసుకుని పారిపోలేదు. ఆమె తండ్రి కళ్లలోకి సూటిగా చూసి ఒప్పించి తీసుకెళ్లాడు.పౌరుషం అంటే కేవలం కొట్లాటలు కావు… భావోద్వేగాలను హుందాగా వ్యక్తపరచడమే నిజమైన బలం అని ఒక తరానికి నేర్పించాడు. రాబోయే 25 ఏళ్లపాటు విదేశాల్లోని ప్రవాస భారతీయుడి నుంచి పల్లెటూరి కుర్రాడి వరకు ప్రేమకు సరైన నిర్వచనం షారుఖ్ ఖాన్ ఒక్కడే అయ్యాడు.ఆ తర్వాత ‘దిల్ తో పాగల్ హై’, ‘కుచ్ కుచ్ హోతా హై’, ‘మొహబ్బతేన్’, ‘కభీ ఖుషీ కభీ ఘమ్’… ఇలా వరుస సినిమాలతో రొమాన్స్‌కు కొత్త బ్రాండ్‌గా మారిపోయారు.ఒక్క చేతులు చాపే స్టైల్‌తోనే ప్రేక్షకుల హృదయాలను గెలుచుకున్న హీరోగా ఎదిగారు. అందుకే ఆయనకు వచ్చింది… ‘కింగ్ ఆఫ్ రొమాన్స్’ అనే బిరుదు!అయితే షారుఖ్‌ను కేవలం రొమాంటిక్ హీరోగానే చూడటం పొరపాటే! ‘దేవదాస్’లో ప్రేమ కోసం తపించే వ్యక్తిగా…’స్వదేశ్’లో బాధ్యతను గుర్తించిన యువకుడిగా…’చక్ దే ఇండియా’లో ఓడిపోయిన జట్టును గెలిపించే కోచ్‌గా… ‘మై నేమ్ ఈజ్ ఖాన్’లో హృదయాన్ని కదిలించే పాత్రలో…తనలోని నటుడిని ప్రతిసారీ కొత్తగా ఆవిష్కరించారు.కేవలం స్టార్‌డమ్ మాత్రమే కాదు… నటనలో వైవిధ్యం కూడా తన బలమని నిరూపించారు. చాలామందికి సూపర్ హిట్ సినిమాలు ఉండొచ్చు. కానీ ఎంతమందికి Intellectual Dominance ఉంటుంది? షారుఖ్ ఖాన్ ప్రత్యేకత కేవలం ఆయన స్క్రీన్ ప్రజెన్స్ కాదు… ఆయన ఆలోచనా సరళి. ఆయన ఇంటర్వ్యూలు వినండి—ఎక్కడా దాపరికాలు లేని సెల్ఫ్-హ్యూమర్, పదునైన వ్యంగ్యం, అపారమైన తత్వశాస్త్రం కనిపిస్తాయి. ఆయనే ఒకసారి స్వయంగా అన్నాడు:‘నేను షారుఖ్ ఖాన్ అనే ఒక మిథ్ కోసం పనిచేసే ఉద్యోగిని మాత్రమే!’భారతీయ సినిమా భవిష్యత్తు ఎటు వెళ్తుందో ఆయన పదేళ్ల ముందే పసిగట్టాడు. ఇండియన్ సినిమాలో VFX అంటే తెలియని రోజుల్లోనే ‘రెడ్ చిల్లీస్ VFX’ నిలబెట్టాడు. స్పోర్ట్స్ ఫ్రాంచైజీలు, గ్లోబల్ డిస్ట్రిబ్యూషన్ నెట్‌వర్క్ నిర్మించాడు. సినిమాని కేవలం ఒక పరిశ్రమలా కాకుండా గ్లోబల్ మార్కెట్‌గా మార్చిన వ్యూహకర్త ఆయన. ప్రతి సామ్రాజ్యానికీ ఒక చీకటి అధ్యాయం ఉంటుంది.2015 నుంచి 2018 మధ్య ప్రయోగాలు బెడిసికొట్టాయి. బాక్సాఫీస్ నిర్దాక్షిణ్యంగా మొహం చాటేసింది. ‘ఖాన్ల శకం ముగిసింది’, ‘షారుఖ్ ఇక పనికిరాడు’ అంటూ సోషల్ మీడియా, మెయిన్‌స్ట్రీమ్ మీడియా తీర్పులు రాసేశాయి.ఆ తర్వాత వరుసగా నాలుగేళ్లు ఒక్క సినిమా లేదు. వ్యక్తిగత జీవితంలో వివాదాలు, కుటుంబంపై దాడి, చుట్టూ దారుణమైన నిందలు.సాధారణంగా ఎవరైనా స్టార్ అయితే ఏం చేస్తారు? ప్రెస్ మీట్లు పెడతారు, ఎమోషనల్ వీడియోలు రిలీజ్ చేస్తారు, వివరణలు ఇస్తారు. కానీ బాద్‌షా ఒక్క మాట కూడా మాట్లాడలేదు.ఒక నిజమైన ఆర్టిస్ట్ సమాజానికి ఇవ్వగలిగే అత్యంత భయంకరమైన సమాధానం ఏదో తెలుసా? క్రమశిక్షణతో కూడిన సంపూర్ణ మౌనం! జనవరి 2023. నాలుగేళ్ల నిశ్శబ్దాన్ని బద్దలు కొడుతూ థియేటర్ల స్క్రీన్లు తెరుచుకున్నాయి.మొదట పఠాన్… ఆ తర్వాత జవాన్!ఒకే ఒక్క క్యాలెండర్ ఇయర్… రెండు వేల కోట్ల పైచిలుకు గ్రాస్ కలెక్షన్స్!రికార్డులు బద్దలవడం కాదు… రికార్డుల పేజీలే తిరగబడ్డాయి. దాదాపు 60 ఏళ్ల వయసులో ఇతర నటులు క్యారెక్టర్ రోల్స్ గురించి ఆలోచిస్తుంటే… దేశం మొత్తం అదిరిపోయేలా బిగ్గెస్ట్ యాక్షన్ హీరోగా అవతరించి సింహాసనాన్ని మళ్లీ లాక్కున్నాడు! ఎందుకు? ఎందుకంటే ఈ దేశానికి కేవలం వినోదం మాత్రమే అక్కర్లేదు… వాళ్ల కింగ్‌ని మళ్లీ అదే వైభవంతో చూడాలన్న ఆరాటం అది! ఒక నటుడిగా మొదలై… ఒక స్టార్‌గా ఎదిగి… ఒక బ్రాండ్‌గా మారి… ప్రపంచవ్యాప్తంగా కోట్లాది హృదయాల్లో స్థానం సంపాదించుకున్న వ్యక్తి షారుఖ్ ఖాన్! ఆయన ప్రయాణం చెప్పే ఒకే ఒక్క విషయం… కలలు కనడం ముఖ్యం కాదు… వాటిని నిజం చేసుకునేంత వరకు పోరాడటం ముఖ్యం! సినిమాలు మారవచ్చు… ట్రెండ్స్ మారవచ్చు… తరాలు మారవచ్చు… కానీ షారుఖ్ ఖాన్ క్రియేట్ చేసిన ఆ మ్యాజిక్ మాత్రం ఎప్పటికీ ప్రత్యేకమే!!! స్టార్లు ప్రతి శుక్రవారం మారుతుంటారు… పీఆర్ టీమ్‌లు, అల్గారిథమ్‌లు కొత్త స్టార్లను పుట్టిస్తుంటాయి.కానీ ఒక లెజెండ్ మాత్రం వేల ఓటములను తట్టుకుని, కోట్ల మంది అభిమానుల ప్రేమే కవచంగా నిలబడి చరిత్రను సృష్టిస్తాడు. ఒకప్పుడు ఈ నగరాన్ని గెలుస్తానన్న ఆ కుర్రాడు… ఇవాళ ప్రపంచ సినిమా హృదయాలనే గెలుచుకున్నాడు. హ్యాపీ బర్త్‌డే టు ది అన్‌డిస్ప్యూటెడ్ కింగ్ ఆఫ్ ఇండియన్ సినిమా… షారుఖ్ ఖాన్! లాంగ్ లివ్ ది బాద్‌షా!61 ఏళ్ల వయసులోనూ… కింగ్‌డమ్ గోస్‌ ఆన్… !

మరిన్ని వీడియోల కోసం ఇక్కడ క్లిక్ చేయండి

Also Watch:

Bigg Boss Rohit: సడెన్‌ ఎలిమినేషనే కాదు.. రెమ్యునరేషన్‌లోనూ నిరాశే!

అర్ధరాత్రి ఘోర ప్రమాదం.. డివైడర్‌ను ఢీకొని పల్టీలు కొట్టిన కారు..