VP Khalid: షూటింగ్లోనే కూప్పకూలిన నటుడు.. గుండెపోటుతో మృతి..
వీపీ ఖలీద్ వెక్కమ్ లోని తన తదుపరి సినిమా చిత్రీకరణలో పాల్గొంటున్నారు. ఈ సినిమాకు డైరెక్టర్ జూడ్ ఆంటోనీ దర్శకత్వం వహిస్తున్నారు.
గత కొద్ది రోజులుగా సినీ పరిశ్రమను వరుస విషాదాలు వెంటాడుతున్నాయి. అనారోగ్య సమస్యలతో పలువురు సెలబ్రెటీలు మరణించగా.. ఆకస్మాత్తుగా గుండెపోటుతో తుదిశ్వాస విడిచారు.. ఇప్పుడు ఇండస్ట్రీలో మరో విషాదం నెలకొంది. మలయాళ సీనియర్ నటుడు వీపీ ఖలీద్ జూన్ 24న తుదిశ్వాస విడిచారు. ఫిల్మ్ వర్గాల సమాచారం ప్రకారం వీపీ ఖలీద్ వెక్కమ్ లోని తన తదుపరి సినిమా చిత్రీకరణలో పాల్గొంటున్నారు. ఈ సినిమాకు డైరెక్టర్ జూడ్ ఆంటోనీ దర్శకత్వం వహిస్తున్నారు. ఈ మూవీ షూటింగ్ జరుగుతున్న సమయంలో ఖలీద్ వాష్ రూమ్ లో అపస్మారక స్థితిలో పడి ఉండడాన్ని గమనించిన ఆసుపత్రికి తరలించగా.. అప్పటికే మృతి చెందినట్లు వైద్యులు వెల్లడించారు..
శుక్రవారం ఉదయం సెట్స్ కు వెళ్లిన తర్వాత ఉదయం అల్పాహారం తీసుకున్న అనంతరం వాష్రూమ్కు వెళ్లి తిరిగిరాలేదు. అనుమానం వచ్చిన యూనిట్ సభ్యులు లోపలికి వెళ్లి చూడగా.. అపస్మారక స్థితిలో కనిపించారు.. దీంతో హుటహూటిన ఆయనను ఆసుపత్రికి తరలించగా.. అప్పటికే చనిపోయినట్లు నిర్దారించారు. ఖలీద్ గుండెపోటుతో మరణించినట్లుగా వైద్యులు తెలిపారు. ఖలీద్ మృతి పట్ల సినీ ప్రముఖులు సంతాపం వ్యక్తం చేశారు.. మరిమయం అనే సిట్ కామ్ లో సుమేష్ పాత్రతో ఖలీద్ గుర్తింపు పొందారు.. తన కామెడీతో ఎంతో ప్రేక్షకులను అలరించారు ఖలీద్.. ఆయనకు ఇద్దరు కుమారులు ఉన్నారు..