భారీ రేటుకు ‘మజిలీ’ శాటిలైట్, డిజిటల్ రైట్స్

నాగ చైతన్య, సమంత ప్రధానపాత్రలలో శివ నిర్వాణ తెరకెక్కించిన చిత్రం ‘మజిలీ’. ఏప్రిల్ 5న ప్రేక్షకుల ముందుకు రానున్న ఈ చిత్ర ప్రీ రిలీజ్ బిజినెస్ ప్రారంభమైంది. ఈ నేపథ్యంలో ఈ మూవీ శాటిలైట్ హక్కులు భారీ రేటుకు అమ్ముడుపోయాయి. ఓ ప్రముఖ ఎంటర్‌టైన్‌మెంట్స్ సంస్థ 5కోట్లు చెల్లించి మజిలీ శాటిలైట్ హక్కులను దక్కించుకున్నట్లు సమాచారం. ఇక డిజిటల్ హక్కులు, హిందీ డబ్బింగ్ రైట్స్ కూడా మంచి రేటుకే అమ్ముడుపోయినట్లు తెలుస్తోంది.

ఇష్టం లేని అమ్మాయిని పెళ్లి చేసుకున్న హీరో జీవితంలో ఎలాంటి మార్పులు వచ్చాయి అనే కథాంశంతో ఈ చిత్రం తెరకెక్కింది. వివాహానంతరం చైతన్య, సమంత నటించిన మొదటి చిత్రం కావడం.. ఇప్పటికే విడుదలైన టీజర్ ఆకట్టుకోవడంతో ఈ మూవీపై మంచి అంచనాలు ఉన్నాయి. ఈ క్రమంలోనే భారీ రేటుకు శాటిలైట్ హక్కులు అమ్ముడుపోయినట్లు తెలుస్తోంది.