తెలుగు ఇండస్ట్రీలోకి రానున్న ఆ టాప్ ఫైట్ మాస్టర్స్.. ‘ఖిలాడి’ కోసం రంగంలోకి కేజీఎఫ్ స్టార్స్..

దేశవ్యాప్తంగా కేజీఎఫ్ మూవీ ఎంతటీ భారీ విజయాన్ని సాధించిన సంగతి తెలిసిందే. అయితే ఈ సినిమా హిట్‎తో హీరోతోపాటు ఆ సినిమాకు పనిచేసిన ప్రతి ఒక్కరు స్టార్ డమ్ సంపాధించారు. ముఖ్యంగా కేజీఎఫ్ సినిమాకు పనిచేసిన అన్బు-అరివు గురించి ప్రత్యేకంగా చెప్పనక్కర్లేదు. ఈ మూవీలోని ఫైట్ సీన్స్‏తో ప్రేక్షకులను మెప్పించారు వీరిద్దరు. కాగా కేజీఎఫ్ భారీ హిట్ సొంతం చేసుకున్న తర్వాత వీరిద్దరు తెలుగులోనూ టాప్ హీరో సినిమాకు పనిచేయనున్నట్లుగా తెలుస్తోంది.

తెలుగు స్టార్ హీరో మాస్ మహారాజ్ రవితేజగా ప్రస్తుతం క్రాక్ సినిమా షూటింగ్‏లో బిజీగా ఉన్న సంగతి తెలిసిందే. క్రాక్ మూవీ తర్వాత దర్శకుడు రమేష్ వర్మతో ఖిలాడి అనే సినిమాను ప్లాన్ చేస్తున్నాడు. ఇటీవల విడుదలైన ఈ మూవీ ఫస్ట్ లుక్ పోస్టర్‏కు మంచి రెస్పాన్స్ కూడా వచ్చింది. అయితే రవితేజ నటించనున్న ఖిలాడి సినిమాకు సంబంధించిన యాక్షన్ పార్ట్ ఫైట్ సన్నివేశాలను అన్బు-అరివు సమక్షంలో చిత్రీకరించేలా ప్లాన్ చేస్తున్నారట. ఇంతకు ముందు ఈ సినిమాకు సంబంధించిన ఫైట్ మాస్టర్స్‏గా రామ్-లక్ష్మణ్‏లను అనుకున్నప్పటికి కేజీఎఫ్ ఫైట్ మాస్టర్స్‏తో కొన్ని యాక్షన్ సన్నివేశాలను చిత్రీకరిస్తే సినిమాకే హైలెట్‏గా నిలుస్తాయని చిత్రయూనిట్ ఆలోచిస్తుందట. ఈ సినిమాలో రవితేజ డ్యూయెల్ రోల్‏లో నటిస్తుండగా.. డింపుల్ హయాతి, మీనాక్షి చౌదరీలు హీరోయిన్లుగా నటిస్తున్నారు. ఈ చిత్రానికి దేవిశ్రీప్రసాద్ సంగీతం అందించనున్నాడు.