Thalapathy Vijay: భారీగా పారితోషికం పెంచేసిన దళపతి విజయ్.. బాబోయ్‌! అన్ని కోట్లా..?
తమిళనాట సూపర్‌ స్టార్‌ రజినీకాంత్‌కు ఉన్న పాపులారిటీ అంతాఇంతాకాదు. అత్యధిక పారితోషికం తీసుకునే నటుడు కూడా రజినీకాంతే కావడం విశేషం. ఇక ఆయన తర్వాత అంతటి ఫ్యాన్‌ ఫాలోయింగ్‌..
Updated on: Dec 22, 2022 | 11:17 AM
తమిళనాట సూపర్‌ స్టార్‌ రజినీకాంత్‌కు ఉన్న పాపులారిటీ అంతాఇంతాకాదు. అత్యధిక పారితోషికం తీసుకునే నటుడు కూడా రజినీకాంతే కావడం విశేషం. ఇక ఆయన తర్వాత అంతటి ఫ్యాన్‌ ఫాలోయింగ్‌ ఉన్న నటుడు దళపతి విజయ్. తాజాగా విజయ్ తన రెమ్యునరేషన్‌ భారీగా పెంచేశాడనే వార్తలు నెట్టింగ జోరందుకున్నాయి. కోలీవుడ్‌లో ఇప్పటి వరకు రూ.130 కోట్ల పారితోషికం తీసుకుంటున్న హీరోగా రజనీ కాంత్‌ పేరు వినిపిస్తోంది. ఐతే ప్రస్తుతం విజయ్ హీరోగా నటిస్తున్న వారీసు మువీకి భారీగా రెమ్యునరేషన్‌ ముట్టిందనే వార్తలు నెట్టింట జోరందుకున్నాయి. ఇప్పటి వరకు రూ.110 నుంచి 125 కోట్ల వరకు పారితోషికం పుచ్చుకుంటున్న దళపతి, వారీసు చిత్రానికి మాత్రం సూపర్‌ స్టార్‌ రజనీకాంత్‌ కంటే కూడా అత్యధికంగా పారితోషికం తీసుకున్నాడట.
ఇక విజయ్ తన 67వ సినిమాను లోకేష్‌ కనకరాజ్‌ దర్శకత్వంలో తెరకెక్కించబోతున్నారు. గతంలో వీరి కాంబినేషన్‌లో వచ్చిన బ్లాక్‌ బాస్టర్‌ మువీ మాస్టర్‌ బాక్సాఫీస్ వద్ద ఘన విజయం అందుకున్న విషయం తెలిసిందే. దీని తర్వాత 68వ మువీని అట్లీ దర్శకత్వంలో సన్‌ పిక్చర్స్‌ నిర్మించడానికి సన్నాహాలు చేస్తున్నట్లు సోషల్‌ మీడియాలో వార్తలొస్తున్నాయి. ఈ మువీకిగానూ విజయ్ రూ.150 కోట్లు పారితోషికం తీసుకోబోతున్నట్లు సమాచారం. ఈ వార్తలు నిజమైతే.. కోలీవుడ్ లో అత్యధిక పారితోషికం తీసుకుంటున్న నటుడిగా అగ్రస్థానంలో విజయ్ ఉంటారు. గతంలో కూడా అట్లీ డైరెక్షన్‌లో విజయ్ హీరోగా పలు చిత్రాలు వెలువడ్డాయి. అట్లీ డైరెక్షన్‌లో ప్రస్తుతం షారుక్‌ ఖాన్, నయనతార జంటగా నటిస్తున్న బాలీవుడ్‌ మువీ ‘జవాన్‌’ మేకింగ్‌ పనుల్లో బిజీగా ఉన్నారు. కాగా విజయ్ లేటెస్ట్ మువీ వారీసు తెలుగులో ‘వారసుడు’ పేరుతో సంక్రాంతి కానుకగా థియేటర్లలో విడుదలకు సిద్ధంగా ఉంది.
మరిన్ని తాజా ఎంటర్టైన్మెంట్ సమాచారం కోసం క్లిక్‌ చేయండి.
