‘బంగార్రాజు’ షూటింగ్ అప్‏డేట్ వచ్చేసింది.. కీలకపాత్రలో నటించనున్న శివగామి.. ఎప్పుడంటే ?..

కరోనా సంక్షోభంలోను అక్కినేని నాగార్జున వరుస సినిమా షూటింగ్‏లు కానిచ్చేస్తున్నాడు. గత కొన్నిరోజుల క్రితం టెలివిజన్ రియాల్టీ షో బిగ్‏బాస్ చేస్తూ బిజీగా ఉన్నాడు నాగార్జున. దాంతోపాటే అటు తన కొత్త చిత్రం వైల్డ్ డాగ్ సినిమా చిత్రీకరణలో కూడా పాల్గొంటూ వచ్చాడు. వైల్డ్ డాగ్ షూటింగ్ పూర్తికావోస్తుంది. దీంతో మరో కొత్త ప్రాజెక్ట్‏కు రెడి అయ్యారు నాగార్జున. అక్కినేని నాగార్జున నటించిన సూపర్ హిట్ చిత్రం సోగ్గాడే చిన్నినాయన. ఆ సినిమా ఎంతటి ఘన విజయాన్ని సాధించిందో తెలిసిన విషయమే. అయితే అందులోని బంగార్రాజు పాత్రకు సీక్వెల్‏గా దర్శకుడు కళ్యాణ్ కృష్ణ మరో సినిమా తీయబోతున్నట్లుగా సమాచారం.

ఈ సినిమాకు సంబంధించిన షూటింగ్‏ను వచ్చే ఏడాది జనవరి 16 నుంచి ప్రారంభించబోతున్నట్లుగా టాక్ వినిపిస్తోంది. జనవరిలో చిత్రీకరణ మొదలుపెట్టి సింగిల్ షెడ్యూల్‏లోనే షూటింగ్ పూర్తి చేయాలని చిత్రబృందం ప్లాన్ చేస్తోందట. కాగా అటు ఈ సినిమాలో రమ్యకృష్ణ ఓ కీలకపాత్రలో నటించబోతుందట. ప్రస్తుతం ఈ సినిమాకు కళ్యాణ్ కృష్ణ, అనుప్ రూబెస్‏తో కలిసి సాంగ్స్ కంపోజిషన్స్‏లో బిజీగా ఉన్నాడట. సోగ్గాడే చిన్నినాయనా సినిమాలాగే బంగార్రాజు సినిమా కూడా హిట్ అవుతుందో లేదో చూడాలి.