Drishyam 3: దృశ్యం3 వచ్చేస్తోంది.. ఈసారి కథకు ముగింపు పడ్డట్లేనా.? ఇంట్రెస్టింగ్‌గా ఫస్ట్‌ లుక్‌..

Drishyam 3: భాషతో సంబంధం లేకుండా రీమేక్‌ అయిన అన్ని భాషల్లో విజయం సాధించిన అతికొన్ని చిత్రాల్లో దృశ్యం ఒకటని చెప్పడంలో ఎలాంటి సందేహం లేదు. జీతూ జోసెఫ్‌ దర్శకత్వంలో తెరకెక్కిన దృశ్యం, దృశ్యం 2 సినిమాలు భారీ విజయాలను అందుకున్నాయి. మాతృక మలయాళంలో మోహనల్‌లాల్‌, మీనా జోడిగా వచ్చిన చిత్రం తెలుగులో విక్టరీ వెంకటేష్‌ హీరోగా నటించాడు.

అనుకోని కష్టాల్లో చిక్కిన తన కూతురు, కుటుంబాన్ని ఓ తండ్రి ఎలా కాపాడుకున్నాడు అన్న కథాంశంతో తెరకెక్కిన ఈ సినిమా ప్రేక్షకులకు మరో ప్రపంచంలోకి తీసుకెళ్లింది. అయితే ఈ రెండు సినిమాల్లోనూ కథ అసంపూర్తిగానే ముగిసిన విషయం తెలిసిందే. ఇదిలా ఉంటే తాజాగా ఈ చిత్రానికి మూడో పార్ట్‌ తెరకెక్కుతోంది.

దృశ్యం3 కి సంబంధించిన ఫస్ట్‌లుక్‌ పోస్టర్‌ను చిత్ర యూనిట్‌ అధికారికంగా ప్రకటించింది. మలయాళంలో తొలుత షూటింగ్‌ జరుపుకుంటున్న ఈ సినిమా రీమేక్‌ తెలుగులో ఎప్పుడన్న దానిపై తెలియాల్సి ఉంది. ‘దృశ్యం 3: ది కంక్లూజన్‌’ పేరుతో ఫస్ట్‌లుక్‌ను విడుదల చేశారు. ఇందులో మోహన్‌లాక్‌ చేతులకు సంకెళ్లు వేసినట్లు చూపించారు. ది కంక్లూజన్‌ అని పేర్కొనడంతో ఈ పార్ట్‌లో మేకర్స్‌ కథకు ముగింపు పలకనున్నారా.? అన్న వార్తలకు బలం చేకూరినట్లైంది. మరి థార్డ్‌ పార్ట్‌లో ఎలాంటి ట్విస్ట్‌లు, ఎలాంటి సస్పెన్స్‌లు ఉండనున్నాయో తెలియాలంటే సినిమా విడుదల తేదీ వరకు వేచి చూడాల్సిందే.

#Drishyam3 The Conclusion offical announcement soon#Mohanlal @Mohanlal pic.twitter.com/X8dVERlaTR

— Shivani Singh (@lastshivani) August 13, 2022

మరిన్ని సినిమా వార్తల కోసం క్లిక్ చేయండి..