Dasara Movie: దసరా దర్శకుడికి BMW కారు గిఫ్ట్‌ ఇచ్చిన నిర్మాత.. ధర ఎంతో తెలుసా.?
న్యాచురల్‌ స్టార్ నాని హీరోగా తెరకెక్కిన దసరా మూవీ ఎంతటి విజయాన్ని సాధించిందో ప్రత్యేకంగా చెప్పాల్సిన పనిలేదు. నూతన దర్శకుడు శ్రీకాంత్ ఓదెల దర్శకత్వంలో తెరకెక్కిన ఈ సినిమా రికార్డు కలెక్షన్లతో దూసుకుపోతోంది. పాన్‌ ఇండియా స్థాయిలో విడుదలైన ఈ సినిమా దేశ వ్యాప్తంగా ఏకంగా రూ. 100 కోట్ల రాబట్టి ఆల్‌టైమ్‌...
Updated on: Apr 06, 2023 | 3:04 PM
న్యాచురల్‌ స్టార్ నాని హీరోగా తెరకెక్కిన దసరా మూవీ ఎంతటి విజయాన్ని సాధించిందో ప్రత్యేకంగా చెప్పాల్సిన పనిలేదు. నూతన దర్శకుడు శ్రీకాంత్ ఓదెల దర్శకత్వంలో తెరకెక్కిన ఈ సినిమా రికార్డు కలెక్షన్లతో దూసుకుపోతోంది. పాన్‌ ఇండియా స్థాయిలో విడుదలైన ఈ సినిమా దేశ వ్యాప్తంగా ఏకంగా రూ. 100 కోట్ల రాబట్టి ఆల్‌టైమ్‌ ఇండస్ట్రీ హిట్‌ దిశగా దూసుకుపోతోంది. నాని కెరీర్‌లోనే బిగ్గెస్ట్‌ హిట్‌గా నిలిచిందీ మూవీ. తొలి సినిమానే అయిన మేకింగ్ విషయంలో శ్రీకాంత్ తనైదన మార్క్‌ను చూపించాడు. పూర్తిగా తెలంగాణ నేపథ్యంలో తెరకెక్కిన ఈ మాస్‌ మూవీకి ప్రేక్షకులు ఫిదా అవుతున్నారు.
ఇదిలా ఉంటే చిత్ర యూనిట్ ప్రస్తుతం సినిమా సక్సెస్‌ను ఎంజాయ్‌ చేస్తోంది. తాజాగా కరీంనగర్‌లో విజయోత్సవ వేడకను నిర్వహించారు. ఈ వేదికగానే చిత్ర నిర్మాత చెరుకూరి సుధాకర్‌ చిత్రబృందానికి బహుమతులు ఇచ్చారు. సినిమా విజయంలో కీలక పాత్ర పోషించిన దర్శకుడు శ్రీకాంత్ ఓదెలకు ఖరీదైన బీఎండబ్ల్యూ కారును బహుమతిగా ఇచ్చాడు. ఈ కారు ధర రూ. 80 లక్షల వరకు ఉండొచ్చని అంచనా అలాగే సినిమాకోసం పని చేసిన ప్రతీ ఒక్కరికీ.. 10 గ్రాముల బంగారు నాణెలను ఇచ్చారు.
ఇక కరీంనగర్‌లో జరిగిన ఈవెంట్‌లో నాని పలు ఆసక్తికర వ్యాఖ్యలు చేశారు.. కరీంనగర్‌ ఎనర్జీ అద్భుతంగా ఉందన్నారు. కరీంనగర్‌లో అద్భుతమైన అభివృద్ధితోపాటు ప్రకృతి రమణీయత ఆకట్టుకుందని.. త్వరలోనే ఇక్కడ షూటింగ్‌ కోసం ప్లాన్ చేస్తున్నామని చెప్పుకొచ్చారు. ఈ సక్సెస్‌ మీట్‌ కార్యక్రమానికి దర్శకుడు శ్రీకాంత్ ఓదెల, మేయర్‌ వై.సునీల్‌రావు, డిప్యూటీ మేయర్‌ చల్ల స్వరూపరాణిహరిశంకర్‌, ఎడిటర్‌ నవీన్‌, ప్రముఖ నటుడు దీక్షిత్‌, దాసర్ల శ్యామ్‌ పాల్గొన్నారు.
మరిన్ని సినిమా వార్తల కోసం క్లిక్ చేయండి..
