‘దొంగ స్వామిజీ’గా చిరంజీవి..?

Chiranjeevi fake Swamiji: మెగాస్టార్ చిరంజీవి వరుస సినిమాలు చేసేందుకు సిద్ధమవుతున్నారు. మరోవైపు ఆయనను డైరెక్ట్ చేసేందుకు పలువురు దర్శకులు సైతం క్యూలో ఉన్నారు. వారిలో మాటల మాంత్రికుడు త్రివిక్రమ్ శ్రీనివాస్‌ ఒకరు. ఇక తాజా సమాచారం ప్రకారం ఈ దర్శకుడు ఇటీవల చిరును కలిసి ఓ కథను చెప్పారట. కామెడీ కథాంశంతో ఉన్న ఈ కథ మెగాస్టార్‌కు తెగ నచ్చిందట. దీంతో స్క్రిప్ట్‌ను తయారు చేసుకొని రమ్మని మాటల మాంత్రికుడికి సూచించారట. ఇక ఈ కథలో చిరు పాత్ర దొంగ స్వామి అని తెలుస్తోంది. ఒకవేళ స్క్రిప్ట్ కూడా చిరుకు నచ్చితే.. ఈ ప్రాజెక్ట్‌ వచ్చే ఏడాది సెట్స్ మీదకు వెళ్లనున్నట్లు సమాచారం.

కాగా ప్రస్తుతం చిరు, కొరటాల శివ దర్శకత్వంలో ఆచార్యలో నటిస్తున్నారు. ఈ సినిమా వచ్చే ఏడాది వేసవిలో ప్రేక్షకులు ముందుకు రానుంది. ఈ మూవీ తరువాత లూసిఫర్ రీమేక్‌లో చిరు నటిస్తాడని అప్పట్లో వార్తలు వచ్చినప్పటికీ, ఇంకా అధికారిక ప్రకటన రాలేదు. మరోవైపు ఈ ఏడాది అల వైకుంఠపురంలో మూవీతో పెద్ద విజయాన్ని ఖాతాలో వేసుకున్న త్రివిక్రమ్‌.. ఎన్టీఆర్‌తో రెండో సినిమాను తెరకెక్కించేందుకు సిద్ధమవుతున్నారు.

Read More:

రెండోసారి కరోనా సోకే అవకాశాలు ఎంతంటే

నూతన్ నాయుడిని అందుకే అరెస్ట్ చేయలేదా…!