Be The Real Man: వీడియో పోస్ట్ చేసిన చిరు.. రిప్లై ఇచ్చిన ఎన్టీఆర్
టాలీవుడ్లో ట్రెండ్ అవుతోన్న 'బి ద రియల్ మ్యాన్' ఛాలెంజ్ని మెగాస్టార్ చిరంజీవి స్వీకరించారు. ఎన్టీఆర్ విసిరిన చాలెంజ్ని స్వీకరించిన చిరంజీవి..
Updated on: Apr 23, 2020 | 11:57 AM
టాలీవుడ్లో ట్రెండ్ అవుతోన్న ‘బి ద రియల్ మ్యాన్’ ఛాలెంజ్ని మెగాస్టార్ చిరంజీవి స్వీకరించారు. ఎన్టీఆర్ విసిరిన చాలెంజ్ని స్వీకరించిన చిరంజీవి.. గురువారం తాను చేసిన ఇంటి పనుల వీడియోను సోషల్ మీడియాలో పోస్ట్ చేశారు. హాల్ని శుభ్రపరచడంతో పాటు పెసరట్టు ఉప్మా చేసి అంజనాదేవికి వడ్డించారు. ఆ తరువాత తల్లి కొసరి కొసరి తినిపిస్తుంటే తిన్నారు. ఇక వీడియోలో చిరు దోసె వేసే విధానం ఆయన అభిమానులను తెగ ఆకట్టుకుంటోంది. అయితే ఈ పనులు తాను రోజు చేస్తుంటానని.. ఇవాళ మీ కోసం ఈ వీడియో సాక్ష్యం అని చిరంజీవి పేర్కొనడం విశేషం. కాగా ఈ సవాల్ని ఆయన సూపర్ స్టార్ రజనీకాంత్, లెజండరీ దర్శకుడు మణిరత్నం, మంత్రి కేటీఆర్ లకు విసిరారు. ఇదిలా ఉంటే చిరంజీవి చేసిన వీడియోకు ఎన్టీఆర్ సమాధానం ఇచ్చారు. సూపర్ సర్ అంటూ ఎన్టీఆర్ కామెంట్ పెట్టారు. ఇక వీరిద్దరి మధ్య చాటింగ్ చూసిన ఇరు వర్గాల అభిమానులు వావ్ అంటూ తమ అభిప్రాయాలను కామెంట్ల రూపంలో పెడుతున్నారు.
Read This Story Also: భారత్లో మొదటి ‘మొబైల్ వైరాలజీ లేబోరేటరీ’.. నేడే ప్రారంభం!
Here it is Bheem @tarak9999 నేను రోజు చేసే పనులే…ఇవ్వాళ మీకోసం ఈ వీడియో సాక్ష్యం. And I now nominate @KTRTRS & my friend @rajinikanth #BeTheRealMan challenge. pic.twitter.com/y6DCQfWMMm
— Chiranjeevi Konidela (@KChiruTweets) April 23, 2020
