Kiara Advani: ఆ హీరోయిన్ చేసిన పాటను నేనేప్పటికీ చేయను.. చేయాల్సి వస్తే సినిమానే వదిలేస్తా.. హీరోయిన్ షాకింగ్ కామెంట్స్..
ఈ చిత్రాన్ని టీ సిరీస్ ఫిల్మ్స్, సినీ 1 స్టూడియోస్ బ్యానర్లు సంయుక్తంగా నిర్మించాయి. ఈ సినిమా ఘన విజయం సాధించిన సందర్భంగా భూల్ భూలయ్యా 2 ప్రమోషన్లలో భాగంగా
Updated on: Jun 07, 2022 | 11:26 AM
ఇటీవల విడుదలైన భూల్ భూలయ్యా 2 సినిమా సూపర్ హిట్ టాక్తో దూసుకుపోతుంది. ఆనీస్ బజ్మీ దర్శకత్వం వహించిన ఈ సినిమాలో కియారా అద్వానీ (Kiara Advani), కార్తీక్ ఆర్యన్, టబు, రాజ్ పాల్ యాదవ్ ప్రధాన పాత్రలలో నటించారు. ఈ చిత్రాన్ని టీ సిరీస్ ఫిల్మ్స్, సినీ 1 స్టూడియోస్ బ్యానర్లు సంయుక్తంగా నిర్మించాయి. ఈ సినిమా ఘన విజయం సాధించిన సందర్భంగా భూల్ భూలయ్యా 2 ప్రమోషన్లలో భాగంగా చిత్రయూనిట్ ఇటీవల ప్రముఖ ఫేమస్ షో కపిల్ శర్మ షోలో సందడి చేసిన సంగతి తెలిసిందే. ఈ షోలో పాల్గొన్న కియారా.. తనకున్న ఫోబియా గురించి బయటపెట్టింది. ఇందులో కపిల్ శర్మ తనకున్న భయాల గురించి ఆమెను అడిగ్గా.. తనకు బర్డ్ ఫోబియా ఉందనే విషయాన్ని చెప్పుకొచ్చింది కియారా.
కియారా మాట్లాడుతూ.. “నాకు బర్డ్ ఫోబియా ఉంది.. అంటే నాకు పెద్ద పక్షులను చూస్తే భయం వేస్తుంది. అది ఎందుకు అలా జరుగుతుందో నాకు తెలియదు. కానీ పెద్ద పెద్ద పక్షులను చూసినప్పుడు భయపడతాను. వాటిని చూడగానే ఏడుస్తాను. సోనమ్ కపూర్ చేసిన మసకాలి పాటను నేను ఎప్పటికీ చేయలేను.. ఒకవేళ సినిమాలో అలాంటి పాటలు చేయాల్సి వస్తే ఆ ప్రాజెక్టు నుంచి తప్పుకుంటాను” అంటూ చెప్పుకొచ్చింది. దీంతో కియారాకు బర్డ్ ఫోబియా ఉందనే విషయం తమకు తెలియదని.. లేదంటే ఈ విషయం గురించి ఆలోచించేవాళ్లమంటూ నవ్వులు పూయించారు డైరెక్టర్ అనీస్ బజ్మీ.
ప్రస్తుతం కియారా.. మెగపవర్ స్టార్ రామ్ చరణ్, డైరెక్టర్ శంకర్ కాంబోలో రాబోతున్న సినిమాలో నటిస్తోంది. అలాగే వరుణ్ ధావన్, అనిల్ కపూర్, నీతూ కపూర్, మనీష్ పాల్ ప్రధానపాత్రలలో నటించిన జగ్ జగ్ జీయో సినిమాలోనూ నటిస్తోంది. ఇప్పటికే షూటింగ్ కంప్లీట్ చేసుకున్న ఈ మూవీని జూన్ 24న విడుదల చేయనున్నట్లు ప్రకటించారు మేకర్స్.
