Katrina Kaif: ప్రెగ్నెన్సీ రూమర్స్ పై స్పందించిన కత్రీనా కైఫ్.. లండన్ వెళ్లడానికి కారణమదేనట..

బాలీవుడ్ ఇండస్ట్రీలో అగ్రకథానాయికగా ఓ వెలుగు వెలిగింది కత్రీనా కైఫ్. నాలుగు పదుల వయసులోనూ అందం, అభినయంతో కట్టిపడేస్తుంది. పెళ్లి తర్వాత సినిమాలకు దూరమైన ఈ బ్యూటీ.. ఇప్పుడు రీఎంట్రీ ఇచ్చింది. సెకండ్ ఇన్నింగ్స్‏లోనూ వరుస సినిమాలతో ఫుల్ జోరు మీదుంది. ఇప్పుడు ఈ బ్యూటీ చేతిలో మూడు చిత్రాలు ఉన్నాయి. వచ్చే ఏడాది కొత్త ప్రాజెక్టులతో థియేటర్లలో సందడి చేయనుంది కత్రీనా. కెరీర్ మంచి ఫాంలో ఉన్న సమయంలోనే బీటౌన్ హీరో విక్కీ కౌశల్‏ను పెళ్లి చేసుకుంది కత్రీనా. అయితే కొద్దిరోజులుగా ఆమె ప్రెగ్నెంట్ అంటూ వార్తలు నెట్టింట హల్చల్ చేస్తున్నాయి. ఈ చికిత్స కోసమే లండన్ వెళ్లిందంటూ ఫిల్మ్ వర్గాల్లో టాక్ నడుస్తుంది. అయితే వార్తలపై కత్రీనా కైఫ్ టీం స్పందించింది.

ప్రస్తుతం సోషల్ మీడియాలో చక్కర్లు కొడుతున్న వార్తలలో ఎలాంటి నిజం కాదని వెల్లడించింది. కత్రీనా కైఫ్ ప్రెగ్నెంట్ కాదని.. ఓ పర్సనల్ పనిమీద ఆమె లండన్ వెళ్లిందని సమాచారం. ఈమేరకు కత్రీనా కైఫ్ టీమ్ క్లారిటీ ఇచ్చింది. అయితే ఈ వార్తలపై కత్రీనా, విక్కీ రియాక్ట్ కాలేదు. ప్రస్తుతం కత్రీనా ఆమె కుటుంబంతో కలిసి సరాదాగా గడుపుతున్నట్లు సమాచారం. కత్రీనా కైఫ్ 2021లో విక్కీ కౌశల్ ను వివాహం చేసుకుంది. చాలా కాలం ప్రేమలో ఉన్న వీరిద్దరు పెద్దల అంగీకారంతో పెళ్లి చేసుకున్నారు.

పెళ్లి తర్వాత కొన్నాళ్లు సైలెంట్ అయిన కత్రీనా.. ఇప్పుడిప్పుడే వరుస సినిమాలతో బిజీగా ఉంటుంది. ఇటీవలే విజయ్ సేతుపతి నటించిన మెర్రీ క్రిస్మస్ సినిమాలో కనిపించింది. అలాగే సల్మాన్ నటించిన టైగర్ 3లో కనిపించింది. బాలీవుడ్ ఇండస్ట్రీలో టాప్ హీరోయిన్ అయిన కత్రీనా తెలుగు ప్రేక్షకులకు సుపరిచితమే. వెంకటేశ్ నటించిన మళ్లీశ్వరి సినిమాలో నటించింది.

View this post on Instagram

A post shared by Rado (@rado)

మరిన్ని సినిమా వార్తల కోసం ఇక్కడ క్లిక్ చేయండి.