Spanish Thriller 4 languages: ఓ స్పానిష్ థ్రిల్లర్ మూవీని నాలుగు భాషల్లో తెరకెక్కించనున్న కబీర్ లాల్

Spanish Thriller 4 languages: బాలీవుడ్ , టాలీవుడ్ లో పలు సినిమాలను తన కెమెరా పనితనంతో అందంగా చూపించిన ప్రముఖ సినిమాటోగ్రాఫర్ కబీర్ లాల్ దర్శకుడుగా మెగా ఫోన్ పట్టనున్నారు. మోస్ట్ ఫేమస్ స్పానిష్ థ్రిల్లర్ మూవీని రీమేక్ చేయనున్నారు.  ఈ సినిమాలో నలుగురు చిత్ర పరిశ్రమకు చెందిన స్టార్ నటులు నటిస్తున్నారు. ఈ సినిమాను నాలుగు భాషల్లో తెరకెక్కిస్తున్నారు కబీర్ లాల్.

ఒక సినిమాలో నలుగురు ఫేమస్ యాక్టర్స్ ఒకే సినిమాలో నటించడం అప్పుడప్పుడు జరిగేదే.. అయితే  నాలుగు భాషలకు చెందిన స్టార్ నటీనటులు ఒకే సినిమాలో నటించడం అదీ ఒక రీమేక్ సినిమాలో నటించడం అంటే బహు అరుదని చెప్పవచ్చు. ఇలాంటి అరుదైన ఫీట్ ను సాధ్యం చేశారు కబీర్ లాల్.

ఈ థ్రిల్లర్ హర్రర్ మూవీని లవ్లీ ప్రొడక్షన్ పై అజయ్ కుమార్ సింగ్ నిర్మిస్తుండగా.. బెంగాలీ, తెలుగు, తమిళ, మరాఠీ పరిశ్రమలో ఫేమస్ యాక్టర్స్ అయిన రితుపర్ణ సేన్ గుప్తా, ఇషా చావ్లా, గాయత్రి శంకర్ , మంజరి ఫడ్నిస్ లు నటిస్తున్నారు. ప్రస్తుతం ఉత్తరాఖండ్‌లో చిత్రీకరిస్తున్న ఈ స్పానిష్ పేరులేని హర్రర్ థ్రిల్లర్ చిత్రం షూటింగ్ ప్రారంభమైంది.

ఫ్యామిలీ ఆఫ్ ఠాకూర్గంజ్ చిత్రం విజయవంతమైన తర్వాత అజయ్ కుమార్ సింగ్ ,  కబీర్ లాల్ కాంబోలో ఈ సినిమా రూపొందుతుంది. ఈ సినిమాకు నిజమైన హీరో స్క్రిప్ట్ అని అందుకనే ఈ సినిమాను నాలుగు భాషల్లో రీమేక్ చేస్తున్నమని చెప్పారు. అది కూడా 4 వేర్వేరు పరిశ్రమల నటీమణులతో సాధ్యమైందని అన్నారు.

కబీర్ లాల్ బాలీవుడ్ లో హృతిక్ నుండి రితీష్ దేశ్ముఖ్ ,  ఐశ్వర్య రాయ్ , ప్రియాంక చోప్రా వంటి స్టార్ నటీనటులతో కబీర్ లాల్ పనిచేశారు.

Also Read: తండ్రి దగ్గర పెరిగినా తల్లిని గుర్తు చేసే హిమ.. రియల్ లైఫ్ లో కన్నీటిమయమట