ఈ ఫోటోలో ఉంది నటుడు అనుకుంటే పప్పులో కాలేసినట్టే.. కుర్రకారు మెచ్చే నటి.. గుర్తుపట్టండి

ప్రోస్థటిక్ మేకప్ ద్వారా నటీనటులు ఊహించని విధంగా మారిపోతున్నారు. మేకప్ ప్రాసెస్ చాలా కష్టతరమైనప్పటికీ... పాత్రల కోసం యాక్టర్స్ వెనకాడటం లేదు.

Divya Agarwal

Ram Naramaneni |
Updated on: Sep 30, 2021 | 7:18 AM

బిగ్బాస్ ఓటీటీ విన్నర్ దివ్యా అగర్వాల్ మరోసారి నెటిజన్లను ఆశ్చర్యపరిచారు. ఆమె పోస్ట్ చేసిన ఓ వీడియో చూసి ఖంగుతిన్నారు. దీనిని చూసిన ఫ్యాన్స్ ఆమెపై ప్రశంసలు కురిపిస్తున్నారు. దివ్యా అగర్వాల్ తాజాగా ‘కార్టెల్’ అనే ఓ వెబ్ షో కోసం వర్క్ చేస్తున్నారు. ఇందుకోసం ఆమె ప్రోస్థటిక్ మేకప్ ద్వారా ఎవరూ గుర్తుపట్టలేనంతగా మారింది. వృద్ధుడి గెటప్‌లో ఫాలోవర్స్‌ను షాక్‌కు గురయ్యేలా చేసింది. దీనికి సంబంధించిన వీడియోను ఇన్స్టాలో పోస్ట్ చేసింది. ఆ వీడియో ప్రస్తుతం సోషల్ మీడియాలో తెగ ట్రెండ్ అవుతోంది. ఇది చూసి నెటిజన్లు ఆశ్చర్యపోతున్నారు. ఓరేంజ్‌లో లైక్స్ కొడుతూ, కామెంట్స్ పెడుతున్నారు. ఆ మేకప్ కోసం కదలకుండా కుర్చీలో అంత సేపు ఆమె కూర్చోవడం.. ఆ రోల్‌ను ఎంచుకోవడం.. చూస్తే ఆమెకు వృత్తిపై ఉన్న నిబద్దత ఏంటో తెలుస్తుందంటున్నారు ఫ్యాన్స్. దర్శకనిర్మాత ఏక్తా కపూర్ కూడా ఆమెను ప్రశంసించారు. భవిష్యత్లో మరిన్నిసార్లు తామిద్దరం కలిసి పనిచేయాలని కోరుకుంటున్నట్లు పేర్కొన్నారు.

కరణ్ జోహర్ హోస్ట్‌గా చేసిన బిగ్బాస్ ఓటీటీ షోలో దివ్యా అగర్వాల్ విన్నర్‌గా నిలిచింది. గ్రాండ్ ఫినాలే ఎపిసోడ్లో ట్రోఫీని సొంతం చేసుకోవడం సహా రూ.25లక్షల ప్రైజ్మనీని గెలుచుకుంది. దివ్యా అగర్వాల్ నటి మాత్రమే కాదు.. మోడల్, డ్యాన్సర్ కూడా. ఎమ్టీవీ ఇండియా నిర్వహించిన పలు రియాలిటీ షోల్లో పాల్గొన్ని ఆమె పాపులారిటి పెంచుకుంది. రాగిని ఎమ్ఎమ్ఎస్: రిటర్న్స్ 2 హారర్ వెబ్సిరీస్తో నటనలోకి అడుగుపెట్టింది. ఎన్నో మ్యూజిక్ ఆల్బమ్స్తోనూ ఆకట్టుకుంది. ప్రస్తుతం ‘కార్టెల్’ వెబ్సిరీస్లో నటిస్తోంది.