Laal Singh Chaddha Trailer: ఆద్యంతం ఆసక్తికరంగా లాల్ సింగ్ చద్దా ట్రైలర్.. ఆమీర్, చైతూ లుక్స్. ..
ఆద్యంతం ఆసక్తిగా సాగిన ఈ ట్రైలర్ ఆమీర్ ఖాన్, నాగచైతన్య లుక్ సరికొత్తగా ఉంది. నడవలేని, మాట్లాడలేని ఓ సిక్కు కుర్రాడు మానసికంగా ఎలా బలంగా మారి పరుగులు తీశాడనే
Updated on: May 30, 2022 | 9:38 AM
బాలీవుడ్ స్టార్ హీరో ఆమీర్ ఖాన్ ప్రధాన పాత్రలో నటిస్తున్న చిత్రం లాల్ సింగ్ చద్దా (laal singh chaddha).. కరోనా కారణంగా అనేక సార్లు వాయిదా పడిన ఈ సినిమా ఎట్టకేలకు ప్రేక్షకుల ముందుకు రాబోతుంది. ఇప్పటికే ఈ సినిమా నుంచి విడుదలైన పోస్టర్స్, వీడియోస్ సినిమాపై మరింత ఆసక్తిని పెంచాయి. డైరెక్టర్ అద్వైత్ చందన్ దర్శకత్వం వహిస్తున్న ఈ సినిమాలో టాలీవుడ్ హీరో అక్కినేని నాగచైతన్య కీలకపాత్రలో నటిస్తోన్న సంగతి తెలిసిందే. తాజాగా ఈ సినిమా ట్రైలర్ ను ఆదివారం ఐపీఎల్ ఫైనల్ జరుగుతున్నప్పుడు విడుదల చేశారు.
ఆద్యంతం ఆసక్తిగా సాగిన ఈ ట్రైలర్ ఆమీర్ ఖాన్, నాగచైతన్య లుక్ సరికొత్తగా ఉంది. నడవలేని, మాట్లాడలేని ఓ సిక్కు కుర్రాడు మానసికంగా ఎలా బలంగా మారి పరుగులు తీశాడనే కథాంశంతో ఈ చిత్రాన్ని రూపొందించినట్లు తెలుస్తోంది. తల్లీ కొడుకుల మధ్య ఉండే అనుబంధాన్ని ఈ సినిమా ఎలివేట్ చేస్తుంది. ఇందులో అమీర్ ఖాన్ స్నేహితుడి పాత్రలో నాగచైతన్య కనిపించనున్నాడు. హాలీవుడ్ లో విజయవంతమైన ఫారెస్ట్ గంప్ కు రీమేక్ గా ఈ సినిమా తెరకెక్కించారు.. ఆమీర్ ఖాన్ ప్రొడక్షన్స్, వయాకామ్ 18 స్టూడియోస్ సంస్థలు సంయుక్తంగా నిర్మించిన ఈ సినిమా ఆగస్ట్ 11న ప్రేక్షకుల ముందుకు రాబోతుంది.
Experience the extraordinary journey of #LaalSinghChaddha, a simple man whose heart is filled with love, hope and warmth.#LaalSinghChaddhaTrailer out now! Releasing in cinemas worldwide on 11th Aug.https://t.co/yahghWFhJA
— Aamir Khan Productions (@AKPPL_Official) May 29, 2022
