ప్రామిస్‌.. పొరపాటున లైక్ కొట్టా: బండ్ల

వివాదాస్పద దర్శకుడు రామ్‌ గోపాల్ వర్మ పవర్‌ స్టార్ అనే చిత్రాన్ని తెరకెక్కించిన విషయం తెలిసిందే. పవన్‌ కల్యాణ్‌ని ఉద్దేశించి వర్మ ఈ చిత్రాన్ని తెరకెక్కించారని, ఎప్పటి నుంచో ఫ్యాన్స్ ఆందోళన వ్యక్తం చేస్తున్నారు. ఈ క్రమంలో హైదరాబాద్‌లోని వర్మ ఆఫీస్‌పై కూడా వారు దాడి చేశారు. ఇదిలా ఉంటే మూవీ ప్రమోషన్ కోసం వర్మ కొన్ని వీడియోలను విడుదల చేశారు. అందులో ఒక వీడియోకు నిర్మాత, నటుడు బండ్ల గణేష్‌ లైక్ చేశారు. దీన్ని గమనించిన ఓ పవన్ అభిమాని బండ్లకు ట్విట్టర్‌లో మెసేజ్ చేశాడు.

”గదంతా కాదు బండ్ల అన్న గిది ఎందుకు లైక్ చేసినవ్”‌ అని ఓ నెటిజన్ బండ్లను ప్రశ్నించారు. దీనిపై స్పందించిన ఈ నటుడు.. ”ప్రామిస్‌., ఏదో పొరపాటున అలా జరిగింది. ఇలా నేను ఎప్పుడూ చేయలేదు. నేను ఏంటో నాకు తెలుసు. పొరపాటుకు క్షమాపణలు కోరుతున్నా” అని కామెంట్ పెట్టారు. కాగా పవర్‌ స్టార్ చిత్రంలో బండ్ల గణేష్‌ని పోలిన పాత్ర కూడా ఉన్న సంగతి విదితమే.

Promise this is by mistake I never do like this What I am I know very sorry for my mistake https://t.co/lGvB63k4Ew

— BANDLA GANESH. (@ganeshbandla) July 24, 2020