సోనార్పూర్ దక్షిణ్ అసెంబ్లీ ఎన్నికల ఫలితాలు 2021
దక్షిణ 24 పరగణ జిల్లాలోని సోనార్పూర్ సౌత్ అసెంబ్లీ సీటులో ఇద్దరు నటీమణులు ఈసారి ప్రత్యేక్ష పోరులో ఉన్నారు. టీఎంసీ లవ్లీ మొయిత్రాను తన అభ్యర్థిగా ప్రకటించగా.. బీజేపీ అంజనా బసుకు టికెట్ ఇచ్చింది. ఈ అసెంబ్లీ సీటు యాదవ్పూర్ లోక్సభ నియోజకవర్గం పరిధిలోకి వస్తుంది. ఇక్కడి నుంచి టీఎంసీకి చెందిన మిమి చక్రవర్తి పార్లమెంటు సభ్యురాలిగా ఉన్నారు. మిమి కూడా బంగ్లా నటి. ఈ హాట్ సీటులో అంజనా బసు, లవ్లీ మొయిత్రా మధ్య ప్రత్యక్ష పోటీ నెలకొంది. కాగా.. సీపీఐ నుంచి షువం బెనర్జీ పోటీచేస్తున్నారు. టీఎంసీ అభ్యర్థి లవ్లీ మొయిత్రా భర్త సౌమ్య రాయ్ ఐపిఎస్ అధికారి. గత ఎన్నికల గురించి మాట్లాడితే.. తృణమూల్కు చెందిన జీవన్ ముఖోపాధ్యాయ్ ఇక్కడి నుంచి గెలుపొందారు. జీవన్కు 97 వేలకు పైగా ఓట్లు వచ్చాయి. సీపీఐ అభ్యర్థి తారిత్ చక్రవర్తికి 82 వేల 426 ఓట్లు రాగా.. బీజేపీ అభ్యర్థికి కేవలం 15 వేల 735 ఓట్లు మాత్రమే వచ్చాయి.