పశ్చిమ వర్ధమాన్ జిల్లాలోని అసన్సోల్ దక్షిణ్ సీటులో ఇద్దరు మహిళల మధ్య ప్రత్యక్ష పోటీ నెలకొంది. ఈ స్థానంలో బీజేపీ ఫ్యాషన్ డిజైనర్, బెంగాల్ బీజేపీ మహిళా మోర్చా అధ్యక్షురాలు అగ్నిమిత్ర పాల్ను బరిలో దింపింది. కాగా.. టీఎంసీ సినీ నటి సయాని ఘోష్కు టికెట్ ఇచ్చింది. ఈ నియోజకవర్గం అసన్సోల్ లోక్సభ పరిధిలోకి వస్తుంది. ఇక్కడ 2014 నుంచి బీజేపీకి చెందిన బాబుల్ సుప్రియో పార్లమెంటు సభ్యుడిగా ఉన్నారు. ఉత్తర భారతీయ ప్రజలు.. ముఖ్యంగా బీహార్ కు చెందిన ఎక్కువగా నివసిస్తున్నారు. ఇలాంటి పరిస్థితుల్లో ఈ సీటుపై బీజేపీ ప్రాబల్యం ఎక్కువగా ఉంటుందని పేర్కొంటున్నారు. ఈ స్థానానికి 2011లో నుంచి ఎన్నికలు జరుగుతున్నాయి. రెండుసార్లు కూడా టీఎంసీ అభ్యర్థులే విజయం సాధించారు. గత ఎన్నికల్లో తృణమూల్కు చెందిన తపస్ బెనర్జీ సీపీఎం అభ్యర్థి హేమంత్ ప్రభాకర్ను సుమారు 14 వేల ఓట్ల తేడాతో ఓడించారు. బిజెపి అభ్యర్థి కల్నల్ దీపాన్షు చౌదరికి 49,000 ఓట్లు వచ్చాయి. 2011 ఎన్నికల్లో బీజేపీ అభ్యర్థికి కేవలం 6,700 ఓట్లు మాత్రమే వచ్చాయి.