Florida Shooting: అమెరికాలో మరోసారి కాల్పుల మోత.. సూపర్ మార్కెట్లో దుండగుల కాల్పులు.. చిన్నారితో సహా ముగ్గురి మృతి!

Three killed in Florida Shooting: అగ్రరాజ్యం అమెరికాలో మరోసారి తుపాకీ చప్పుళ్లు మారుమోగాయి. ఫ్లోరిడా నగరంలో ఓ దుండగుడు కాల్పులకు తెగబడ్డాడు. ఓ సూపర్ మార్కెట్లోకి తుపాకీతో ప్రవేశించి విచక్షణాహితంగా కాల్పులు జరిపాడు. ఈ ఘటనలో ఇద్దరు వ్యక్తులు అక్కడికక్కడే దుర్మరణం పాలయ్యారు. అనంతరం తనకు తాను కాల్చుకున్నాడు. పోలీసులు ఘటనాస్థలానికి చేరుకుని దర్యాప్తు చేపట్టారు.

పూర్తి వివరాల్లోకి వెళితే.. గుర్తు తెలియని ఓ దుండగుడు.. ఫ్లోరిడా రాయల్ పామ్ బీచ్‌లోని పబ్లిక్స్ సూపర్ మార్కెట్‌లోకి ప్రవేశించాడు. ఇద్దరు వ్యక్తులను లక్ష్యంగా చేసుకుని కాల్పులకు తెగబడ్డాడు. ఈ కాల్పుల్లో ఓ మహిళ, ఆమె మనవడు ప్రాణాలు కోల్పోయారు. వారిద్దరిద్దనీ కాల్చిన అనంతరం దుండగుడు తనకు తాను కాల్చుకోవడంతో మరణించాడు. ఈ విషయాన్ని పామ్ బీచ్ కౌంటీ షరీఫ్ కార్యాలయం ప్రతినిధి తెరీ బార్బరికా ఓ ప్రకటనలో పేర్కొ న్నారు. మృతుల గుర్తిం పు వివరాలు ఇంకా వెల్లడి కాలేదు. అయితే కాల్పులు జరిపిన వ్యక్తి, మృతులకుముందే తెలుసునని… వ్యక్తిగత కక్షల నేపథ్యంలోనే ఈ కాల్పులు జరిగినట్లు పోలీసులు భావిస్తున్నారు. కాగా.. ఈ ఘటనకు సంబంధించిన పూర్తి సమామాచారం తెలియాల్సి ఉంది. మృతదేహాలను పోస్టుమార్టం నిమిత్తం తరలించిన పోలీసులు దర్యాప్తు కొనసాగిస్తున్నారు.

Read Also….  India Corona Cases: ఇండియా కరోనా బులిటెన్.. కొత్తగా పాజిటివ్ కేసులు, మరణాలు ఎన్ని నమోదయ్యాయంటే.!