కొవిడ్‌ సమస్యలతో కాంగ్రెస్ ఎంపీ రాజీవ్ సతవ్ మృతి.. రాహుల్ గాంధీకి అత్యంత సన్నిహితుడిగా గుర్తింపు..

Congress MP Rajiv Satav : కరోనా వైరస్ సంబంధిత సమస్యలతో కాంగ్రెస్ రాజ్యసభ సభ్యుడు రాజీవ్ సాత‌వ్ కన్నుమూసారు.

కొవిడ్‌ సమస్యలతో కాంగ్రెస్ ఎంపీ రాజీవ్ సతవ్ మృతి.. రాహుల్ గాంధీకి అత్యంత సన్నిహితుడిగా గుర్తింపు..
Congress Mp Rajiv Satav

Congress MP Rajiv Satav : కరోనా వైరస్ సంబంధిత సమస్యలతో కాంగ్రెస్ రాజ్యసభ సభ్యుడు రాజీవ్ సాత‌వ్ కన్నుమూసారు. సాత‌వ్‌కు సైటోమెగాలోవైరస్ సోకినట్లు వైద్యులు గుర్తించారు. కాగా కాంగ్రెస్ మాజీ అధ్యక్షుడు రాహుల్ గాంధీకి సన్నిహితుడ‌యిన సాత‌వ్ ఏప్రిల్ 22 న కరోనా వైరస్ బారిన పడ్డారు. ఆ తర్వాత ఆయన‌ పూణేలోని జహంగీర్ ఆసుపత్రిలో చేరారు. అక్కడ సాత‌వ్ వెంటిలేటర్‌పై చికిత్స పొందుతూ మృతిచెందాడు.

అలాగే కాంగ్రెస్ మాజీ అధ్యక్షుడు రాహుల్ గాంధీ, మాజీ ప్రధాని మన్మోహన్ సింగ్, రాజ్యసభలో డిప్యూటీ కాంగ్రెస్ నాయకుడు ఆనంద్ శర్మ, పార్టీ ప్రధాన ప్రతినిధి రణదీప్ సుర్జేవాలా, సీనియర్ నాయకులు దిగ్విజయ్ సింగ్, అధీర్ రంజన్ చౌదరి, శశి థ‌రూర్, భూపిందర్ సింగ్ హుడా త‌దిత‌రులు ఇటీవలే కరోనా బారిన పడిన సంగతి తెలిసిందే. రాజీవ్ శాత‌వ్‌ మహారాష్ట్రకు చెందిన రాజ్యసభ సభ్యుడు. 2014 ఎన్నికలలో మహారాష్ట్రలోని హింగోలి నుంచి ఎన్నికయ్యారు. సాత‌వ్ అఖిల భారత కాంగ్రెస్ కమిటీ కార్యదర్శి కూడా. గుజరాత్ కాంగ్రెస్ ఇన్‌ఛార్జ్‌గా వ్యవహరిస్తున్నారు.

స్పష్టతతో కూడిన స్వరం అని పిలువబడే రాజీవ్ సతవ్ ఆధార్ బిల్లు , నైపుణ్య అభివృద్ధి, వెనుకబడిన తరగతుల జాతీయ కమిషన్ రిపీల్ బిల్లు 2017, ఇతర అంశాలపై పార్లమెంటులో కాంగ్రెస్ స్పందనను తెలిపారు. అతను పాల్గొన్న ముఖ్యమైన పార్లమెంటరీ చర్చలలో వ్యవసాయ సంక్షోభం, ఎంఎన్‌ఆర్‌ఈజిఎ , కరువు, రైల్వేలు, నిధుల కోసం అనుబంధ డిమాండ్, ఐఐఎం బిల్లు, కంపెనీల చట్టం (సవరణ) బిల్లు, రాష్ట్రపతి ప్రసంగంపై కృతజ్ఞతలు ఉన్నాయి. అతను బహుళ పార్లమెంటరీ కమిటీలలో సభ్యుడు. అవి రైల్వేలపై స్టాండింగ్ కమిటీ, రక్షణపై స్టాండింగ్ కమిటీ, ఇతర వెనుకబడిన తరగతుల సంక్షేమంపై కమిటీ, ఉమ్మడి పార్లమెంటరీ కమిటీ భూసేకరణ బిల్లు, యువజన వ్యవహారాలు, క్రీడలపై సంప్రదింపుల కమిటీలలో సభ్యుడిగా వ్యవహరిస్తున్నారు.

India Corona Cases: దేశంలో మూడో రోజూ తగ్గిన కేసులు.. కానీ ఆందోళ‌న‌క‌రంగా మ‌ర‌ణాలు.. ఇవిగో వివ‌రాలు

Selfie terror: సెల్ఫీ తీసుకోవడానికి ట్రాక్టర్ ఎక్కాడు.. అది పైలోకాలకు తీసుకువెళ్ళిపోయింది..

Vaccination: కరోనా టీకా కోసం కోవిడ్ టెస్ట్ చేయించుకోవాలా? పాజిటివ్ వస్తే  వ్యాక్సిన్ తీసుకోవచ్చా? నిపుణులు ఏమంటున్నారు?