Karnataka: క‌ర్ణాట‌క‌లో వేట క‌త్తుల క‌ల‌క‌లం.. ఇద్దరు రౌడీషీటర్లతో సహా 11 మంది అరెస్ట్‌

Central Crime Branch Bengaluru: కర్ణాటకలో రాత్రివేళ వాహనాలు రోడ్లపై పరుగులు తీస్తున్నాయి.. పోలీసులు విస్తృతంగా తనిఖీలు చేస్తున్నారు. ఈ క్రమంలో అనుమానం వచ్చిన పోలీసులు..

  • Shaik Madarsaheb
  • Publish Date - 11:33 am, Wed, 24 February 21
Karnataka: క‌ర్ణాట‌క‌లో వేట క‌త్తుల క‌ల‌క‌లం.. ఇద్దరు రౌడీషీటర్లతో సహా 11 మంది అరెస్ట్‌

Central Crime Branch Bengaluru: కర్ణాటకలో రాత్రివేళ వాహనాలు రోడ్లపై పరుగులు తీస్తున్నాయి.. పోలీసులు విస్తృతంగా తనిఖీలు చేస్తున్నారు. ఈ క్రమంలో అనుమానం వచ్చిన పోలీసులు రెండు వాహనాలను ఆపి పరిశీలించారు. ఇద్దరు రౌడీషీటర్లు ప్రయాణిస్తున్న ఆ కార్లల్లో భారీ ఎత్తున మారణాయుధాలు లభ్యమవడం ఇప్పుడు చర్చనీయాంశంగా మారింది. క‌ర్ణాట‌క‌లోని మార్తహల్లి పోలీసు స్టేష‌న్ ప‌రిధిలో మంగళవారం రాత్రి బెంగళూరు సెంట్రల్ క్రైమ్ బ్రాంచ్ పోలీసులు త‌నిఖీలు నిర్వహించారు. ఈ త‌నిఖీల్లో రెండు కార్లల్లో ప్రయాణిస్తున్న ఇద్దరు రౌడీ షీట‌ర్లు ప‌ట్టుబ‌డ్డారు.

అనుమానం వచ్చిన పోలీసులు ఆ రౌడీషీట‌ర్లు ప్రయాణిస్తున్న రెండు కార్లను పరిశీలించగా.. 18 వేట క‌త్తుల‌ు లభ్యమయ్యాయి. ఆ రౌడీషీటర్లతోపాటు మ‌రో 9 మందిని అదుపులోకి తీసుకున్నట్లు పోలీసులు వెల్లడించారు. అయితే ఆ క‌త్తుల‌ను ఎక్కడికి.. ఎందుకు తీసుకెళ్తున్నారు అనేది మాత్రం ఇంకా బయటకు రాలేదు. ఈ విషయంపై పోలీసులు ముమ్మరంగా దర్యాప్తు చేస్తున్నారు. ఇద్దరు రౌడీషీటర్లు ప్రయాణిస్తున్న కార్లల్లో ఇంత పెద్ద ఎత్తున వేట కత్తులు లభ్యమవడం ప్రస్తుతం రాష్ట్రంలో సంచలనంగా మారింది.


Also Read:

Road Accident: యూపీలో ఘోర రోడ్డు ప్రమాదం.. కారును ఢికొన్న ట్యాంకర్.. ఏడుగురు మృతి

Rowdy Sheeter Murdere: విశాఖలో రౌడీ షీటర్‌ దారుణ హత్య.. కత్తులు, ఇనుపరాడ్లతో దాడి.. వివరాలు ఇలా ఉన్నాయి..