బాయిస్ లాకర్ రూమ్.. షాకింగ్ నిజాలు.. సిద్ధార్థ్ పేరిట అమ్మాయి నాటకం!

ఢిల్లీలో జరిగిన బాయిస్ లాక్‌ర్ రూమ్ ఘటనలో షాకింగ్ నిజాలు బయట పడ్డాయి. సిద్ధార్థ్ పేరిట స్నాప్ చాట్‌లో‌ ఒక అమ్మాయే ఫేక్ ప్రొఫైల్‌ని క్రియేట్ చేసిందని, తన క్లాస్‌మేట్‌కి సందేశాలు పంపుతూ వచ్చిందని పోలీసుల దర్యాప్తులో తెలిసింది. తనపై జరిగినట్టుగా ఓ లైంగిక దాడి గురించి అదే పనిగా మెసేజ్‌లు పంపించినట్టు వెల్లడైంది. అయితే ఈ వ్యవహారంలో జోక్యం చేసుకునేందుకు, ఆమెకు రిప్లై ఇచ్చేందుకు కూడా ఆ అబ్బాయి నిరాకరించాడట. స్నాప్ చాట్ సంభాషణ తాలూకూ స్క్రీన్ షార్ట్ మొదట వైరల్ అయింది. లాకర్ రూమ్ నుంచి జరిగిన చాటింగ్‌లో కూడా ఇలాగే వైరల్ అయ్యాయి. అయితే.. రెండు సంభాషణలూ ఒకదానికొకటి సంబంధం లేనివని పోలీసులు దర్యాప్తులో తేలింది.

సిద్ధార్థ్ పేరిట ఈమె తన క్లాస్ మేట్ అయిన మగాడితో చేసిన చాటింగ్‌లో లైంగిక దాడి గురించి ప్లాన్ చేస్తే అతడు ఎలా రియాక్ట్ అవుతాడో.. చూడాలనుకుందని తెలిసింది. ఆ అమ్మాయి, అబ్బాయి ఇద్దరూ కూడా ఒకే క్లాస్‌లో ఉంటున్నట్లు వెల్లడైంది. ఆ అబ్బాయి క్యారెక్టర్ ఎలాంటిదో తెలుసుకునేందుకే ఆ అమ్మాయి ఈ నాటకం ఆడింది. ఈ ఘటనలో గుర్తించిన 27 మంది కుర్రాళ్లలో ఎవరికీ ఈ ఉదంతంతో ప్రమేయం లేదని.. ఇన్వస్టిగేషన్‌లో తెలిసింది. దీంతో నొయిడా పోలీసులు ఈ గ్రూపు అడ్మిన్, అలాగే ఈ గ్రూపులోని ఓ టీనేజర్‌ని కూడా అరెస్ట్ చేశారు. 27 మంది అబ్బాయిల్లో 24 మందిని పోలీసులు విచారించారు. ఇద్దరు అందుబాటులోకి రాలేదు. ఒక అమ్మాయే ఈ వ్యవహరమంతా నడిపిందని తెలుసుకున్న పోలీసులు సైతం షాక్‌ తిన్నారు.

Read More: దిల్‌రాజు పెళ్లి ఫొటోలు.. మాతృదినోత్సవం రోజు కొత్త జీవితం